Qazaqstan Respýblıkasy men Kýveıt memleketiniń avıasııalyq bıligi arasyndaǵy qol jetkizilgen ýaǵdalastyqtar negizinde «Jazeera Airways» Kýveıt loýkosteri osy jyldyń 3 jeltoqsanynan bastap Kýveıt – Túrkistan baǵyty boıynsha áýe qatynasyn bastaýdy josparlap otyr.
«Kýveıt astanasy men túrki áleminiń rýhanı ortalyǵy arasyndaǵy turaqty jolaýshylar reısteri seısenbi jáne jeksenbi kúnderi Airbus A-320 tıpti áýe kemesinde aptasyna 2 reıs jıiligimen oryndalady», delingen vedomstvo aqparatynda.
Mınıstrliktiń habarlaýynsha, reıster sanynyń ulǵaıýy jáne ushý geografııasynyń keńeıýi Qazaqstan men Kýveıt arasyndaǵy saýda-ekonomıkalyq, iskerlik, ınvestısııalyq, mádenı jáne týrıstik ózara qarym-qatynastardyń odan ári damýyna yqpal etedi.
