London qor bırjasynda ótken Qazaqstan ınvestısııalyq forýmyna elimizdiń jetekshi memlekettik jáne jeke kompanııalary men sheteldik bıznes ókilderi qatysty.
Ulybrıtanııadaǵy elshi Maǵjan Ilııasov forýmǵa qatysýshylarǵa Qazaqstan ekonomıkasyna ınvestısııa salýdyń paıdasy týraly aıtyp berdi. Ol sondaı-aq yqtımal problemalardy birge talqylaýdy usyndy. Ásirese, Reseıden Qazaqstanǵa kompanııalardy kóshirý máselesi kópshilikti qyzyqtyrdy. Kóshýge bel býǵandar óz tájirıbelerimen bólisti.
«Birneshe jyldan beri ónimimizdi Qazaqstanǵa eksporttap kelemiz. Biz geografııalyq sebepterge baılanysty oryndy ózgertýge bolatyn kezeńge jettik dep oılaımyz. Qazaqstandy Ortalyq Azııanyń haby retinde qarastyra otyryp, biz bul kóshýge tamasha oryn dep sheshtik. Sizdiń elde bıznes ashý jáne júrgizý úshin tamasha jaǵdaı jasalǵan», dedi Devıd Keshman, United Concrete Canvas LTD bıznesti damytý jónindegi dırektory.
Yntymaqtastyqtaǵy 30 jyl ishinde Ulybrıtanııa Qazaqstan ekonomıkasyna 20 mıllıard dollardan astam ınvestısııa saldy. 2020 jyly elge salynǵan ınvestısııa 36 paıyzǵa, al buryn 20 paıyzǵa ósken. Ekijaqty saýdada da oń dınamıka baıqalady. Bıylǵy jyldyń 9 aıynyń qorytyndysy boıynsha Qazaqstan men Ulybrıtanııa arasyndaǵy taýar aınalymynyń kólemi 61%-ǵa ósti.
Elimizde búginde Brıtanııanyń barlyǵy 575 kommersııalyq kompanııasy belsendi túrde áreket etedi. Olar munaı-gaz, taý-ken jáne ónerkásip, sondaı-aq qarjylyq qyzmet, joǵary tehnologııalar men aýyl sharýashylyǵy salalarynda jumys isteıdi. Ulybrıtanııa úkimeti de bıznes baılanystardy keńeıtý men tereńdetýge yqylasty.
