Úmitker óńirge sapary kezinde aldymen «Aqtóbe rels-arqalyq zaýyty» JShS jumysshylarymen júzdesip, saılaýaldy baǵdarlamasynyń basym baǵyttaryn egjeı-tegjeı túsindirdi. Jıynda bilim berý, qorǵanys jáne sybaılas jemqorlyqqa qarsy kúres taqyryptary keńinen qozǵaldy.
Al Marat Ospanov atyndaǵy Batys Qazaqstan medısına ýnıversıtetiniń stýdentteri jáne professor-oqytýshylarymen kezdesý kezinde bolashaq mamandardy turǵyn úı satyp alý jáne jumysqa ornalasý múmkindigi sııaqty taqyryptar qyzyqtyrdy.
«Meniń saılaýaldy baǵdarlamamda jastardyń máselesine erekshe kóńil bólingen. О́ıtkeni jastar – elimizdiń bolashaǵy. Jastarǵa barlyq joldardy ashyp, ózin-ózi damytýǵa, baspana alýǵa, kásibı mansabyn qurýǵa barlyq múmkindikti usynýymyz qajet. О́ıtkeni adam eń áýeli áleýmettik máselelerin sheship almaıynsha, qoǵamdaǵy ózgeristerge ún qosýǵa, jumysyna, jalpy óziniń kásibıligin arttyrýǵa qulyqty bolmaıdy. Bul jalpy, el ekonomıkasyna áser etedi. Iаǵnı jastardyń áleýmettik problemalary jalpy qoǵamnyń áleýmettik-ekonomıkalyq problemalarynyń kórinisi ári jalǵasy bolyp sanalady. Jastar problemasy qashanda qoǵamnyń ózekti máseleleriniń birine aınalǵan. Jastardy negizinen joǵary nemese orta bilim ala almaý, óz otbasyn materıaldyq jaǵynan qamsyzdandyrý qıyndyqtary, mamandyǵy boıynsha jumys tappaý, baspananyń joqtyǵy sekildi problemalar qatty alańdatady», dedi M.Qajyken.
