«Túrki elderiniń rýhanı derekkózderin zerdeleıtin jobalarǵa erekshe kóńil bólgenimiz abzal. Bıyl Túrki akademııasy Mońǵolııada júrgizgen qazba jumysynyń nátıjesinde mańyzdy jańalyq ashty. Ekinshi Túrki qaǵanatyn qaıta tiriltken Qutlyq qaǵannyń keshenin tapty. Bul – «túrki» degen sózi bar eń kóne jazba eskertkish», dedi Memleket basshysy.
Osy oraıda, Prezıdent Túrki halyqtarynyń ortaq jazba murasyn zertteýge arnalǵan «jol kartasyn» ázirleýdi usyndy.
«Ol úshin elderimizdiń muraǵattary ózara ashyq bolýyn qamtamasyz etý qajet. Keleshekte sonyń negizinde Túrki memleketteri uıymynyń «Sıfrlyq kitaphanasyn» qurýǵa bolady. Bul jumys qundy qujattar men sırek kitaptardy urpaqqa mura etip qaldyrýǵa múmkindik berer edi», dedi Q.Toqaev.
