2022 jylǵy 1 qazandaǵy jaǵdaı boıynsha halyq sany 19 691,9 myń adamdy quraǵan, onyń ishinde qalalyqtar – 12 151,7 myń (61,7%), aýyldyqtar – 7 540,2 myń adam (38,3%).
2022 jyldyń basymen salystyrǵanda halyq sany 188,7 myń adamǵa (1 %-ǵa) ósken.
2022 jylǵy qańtar-qyrkúıekte respýblıka halqynyń tabıǵı ósimi 2021 jylmen salystyrǵanda (201,2 myń adam) 1,6%-ǵa kemip, 198 myń adamdy quraǵan.
AHAT organdary usynǵan azamattyq hal aktilerininiń jazbalaryndaǵy málimetterge sáıkes, 2022 jylǵy qańtar-qyrkúıek aralyǵynda 299,7 myń sábı dúnıege kelgen. Alaıda aldyńǵy jylmen salystyrǵanda bul - 11,5%-ǵa az kórsetkish.
Halyqtyń kóshi-qony boıynsha, bıyl elimizge turǵylyqty turýǵa 10 995 adam kelse, ketkender sany – 20 341 adamdy quraǵan.
Elimizdegi negizgi kóshi-qon almasýy TMD memleketterimen boldy. Derekter boıynsha, TMD elderinen kelgenderdiń jáne sol elderge ketkenderdiń kóship-qonýshylardyń jalpy sanynan úlesi tıisinshe 84,4% jáne 84,8% quraıdy.
