Saılaýaldy teledebat barysynda kandıdat Qaraqat Ábden Saltanat Tursynbekovaǵa seksıstik qaǵıdattardy qoldaý týraly suraqpen júgindi. Ol Tursynbekovanyń osy taqyrypty jıi synaıtynyn eske saldy.
«Áıel áıelge osyndaı suraq qoıǵanda birtúrli bolyp kórinedi. Qaraqat hanym, siz qurt pisirip, qymyz quıdyńyz, biraq halyqtyń dástúrine asa mán bermegen sııaqtysyz. Qazaq halqynda eshqashan seksızm bolǵan emes. Eger siz meni bilseńiz, men kásibı zańgermin, ıaǵnı men bireýdiń quqyǵyn qorǵaı almasam, onda eshqashan eshkimniń quqyǵyn da buzbaımyn. Seksızm men ageızm men úshin óte oǵash uǵymdar. Sondyqtan sizdiń sózderińizdi orynsyz dep sanaımyn», dedi Saltanat Tursynbekova.
Úmitker quqyq qorǵaýshy retinde búkil ómirin áıelderdi qutqarýmen ótkizgenin aıtty. Saltanat Tursynbekova Qaraqat Ábdendi daǵdarys ortalyqtaryna birge baryp, muqtaj analar men áıelderge kómektesýge shaqyrdy.
