Profılaktıkalyq esepte turǵan 1330-dan astam adam, onyń ishinde 164 qolaısyz otbasynyń jaı-kúıi barlandy. Nátıjesinde myńǵa jýyq túrli ákimshilik quqyq buzýshylyq anyqtaldy. Olardyń basym bóligi – tirkeýsiz nemese jeke basyn kýálandyratyn qujattarsyz turǵan. Olardyń jalpy sany - 222. Bulardan basqa polıseıler alkogoldi ishimdikterdi ishýdiń jáne qoǵamdyq oryndarda mas kúıde júrýdiń 199, usaq buzaqylyqtyń 88 faktisin tirkedi.
Jol qaýipsizdigin qamtamasyz etýge de erekshe mán berildi. Is-shara sheńberinde 180 buzýshylyq jaıaý júrginshiler tarapynan anyqtaldy. Jyldamdyqty asyrýdyń 58 faktisi tirkeldi. Tekseris júrgizgen 2 kúnde 11 júrgizýshiniń rólge ishimdik iship alyp otyrǵany anyqtaldy. Qandaı qatań sharalar qoldanylyp, júrgizýshilik kýálikterinen aırylyp, tipti bas bostandyǵy shektelip jatsa da júrgizýshiler rólge iship alyp otyrýyn toqtatar emes.
