О́ner • 13 Qarasha, 2022

Jan tebirentken «Japon kúzi»

264 ret

kórsetildi

1 mın

oqý úshin

Bul kúnderi Almatyda «Japon kúzi» atty áleýmettik-mádenı joba júrip jatyr. Almatylyqtar 20 qarashaǵa deıin «Almaty Gallery» kórkem galereıasynan tegin kóre alatyn halyqaralyq mádenı oqıǵanyń basty qonaǵy – tabıǵı jáne tehnogendik apattar, adam men qorshaǵan ortanyń baılanysy syndy máselelerdi kóterip kele jatqan belgili japon fotosýretshisi Shıgerý Ioshıda.

Aınash ESALI

Bıyl fotokórmege kelýshiler belgili japon fotografy Shıgerý Ioshıda túsirgen «Erteńgi kúnge kópir» kórmesin tamashalap júr. Kórmede onyń úsh sıkldan turatyn «Bir mınýt. Duǵa úshin shekara», «Teńiz dýaly», «Fýkýsımadan joldaý» atty jumystary kórsetilgen. Aıtqandaı, osynaý týyndylarynyń dúnıege kelýine 20 myńnan astam adamnyń ómirin qıǵan AES apaty túrtki bolǵan.

Tórt memleketti qamtıtyn, 2011 jyldan beri Almaty, Tashkent, Bishkek qalalarynda ótkizilip kele jatqan «Japon kúzi» jobasyna jyl saıyn Japonııa, Qazaqstan, О́zbekstan, Qyrǵyzstan elderiniń belgili mýzykanttary, fotosýretshileri men óner qaıratkerleri de atsalysady.

Joba Japonııamen birge osy festıvaldy qoldaıtyn memleketterdiń dástúrli ári zamanaýı ónerin nasıhattap, halyqtar arasyndaǵy mádenı baılanysty nyǵaıtýdy da kózdeıdi.

«Men talaı adamnyń ómirin jalmaǵan teńizge qarap otyryp, duǵa jasap otyrǵan jandardy kórdim. Bul kórinis maǵan «Bir mınýt. Duǵa úshin shekara» fotokórmesin daıyndaýǵa shabyt berdi. Fotolar arqyly men duǵanyń tylsym qýatyn jetkizýge tyrystym», deıdi Shıgerý Ioshıda.

ALMATY