Jańǵyrmaly energııa kózderine qatysty máseleler men perspektıvalar taqyrybyna arnalǵan semınar sessııalarynyń birinde «Samuryq-Energo» AQ Jobalar portfelin basqarý departamentiniń dırektory Ańsar Aıdarov baıandama jasady. Onyń derekterine súıensek, 2022 jyldyń basynda Qazaqstannyń energııa óndirýshi obektileriniń belgilengen qýaty 23,6 GVt-ny qurady. Onyń ishinde kómir otyny 69 paıyzdy, tabıǵı gaz – 20 paıyzdy, iri sý elektr stansalary – 7 paıyzdy, jańǵyrmaly energııa kózderi 4 paıyzdy quraǵan.
2035 jylǵy energetıkalyq teńgerimge sáıkes, Qazaqstanda qosymsha 17,5 GVt energııa óndirýshi obekt salý qajet bolady. A.Aıdarovtyń aıtýynsha, respýblıkanyń jańǵyrmaly energııa kózderin damytý jónindegi jospary aýqymdy. Qazaqstan generasııasyndaǵy jańǵyrmaly energııa kózderiniń úlesin 2030 jylǵa qaraı 15 paıyzǵa deıin arttyrý josparlanýda.
«Jańǵyrmaly energııa kózderin damytýda energııa kóleminiń ishinen gıdroenergetıkany damytýǵa aıryqsha nazar aýdarylady. Qazirgi ýaqytta Qazaqstanda gıdroenergetıkany damytý jospary bekitildi jáne 2030 jylǵa qaraı shamamen 3 GVt sý elektr stansasyn salý josparlanýda. Qazaqstanda taý ózenderiniń áleýeti zor jáne Prezıdent pen Úkimet bul salaǵa kóp kóńil bólinip otyr», deıdi Ańsar Aıdarov.
Praktıkým jumysy barysynda qazaqstandyq energetıkter Dúnıejúzilik bank ókilderimen kezdesý ótkizdi. Almaty sý elektr stansasy kaskadyn jańǵyrtý jobasy boıynsha tehnıkalyq-ekonomıkalyq negizdemeni ázirleýge grant berý máseleleri qaraldy. Taraptar sondaı-aq Qazaqstannyń gıdroenergetıkasynyń áleýetin baǵalaý úshin bank tarapynan qarjylyq qoldaý múmkindigin qarastyrdy.
Budan basqa, «Samuryq-Energo» ókilderi sý elektr stansalaryna arnalǵan elektromehanıkalyq jabdyqtar men servıstik qyzmetterdi jetkizýde álemdegi jetekshi kásiporyn – Andritz Hydro GmbH kompanııasynyń basshylyǵymen kezdesti. Kezdesýge qatysýshylar Qazaqstandaǵy birlesken jobalardy jáne odan ári yntymaqtastyq perspektıvalaryn talqylady.
Qazirgi kezde Qazaqstanda 51 sý elektr stansasy jumys isteıdi. Qazaqstannyń júıelik operatorynyń derekterine súıensek, 2022 jylǵy 1 qańtarda sý elektr stansalarynyń belgilengen qýaty 2 806,2 MVt-ny qurady. Bul eldegi stansalardyń jalpy belgilengen qýatynyń 11,7 paıyzyna teń.
«Samuryq-Energo» AQ kompanııalar toby Qazaqstannyń sý elektr stansalary belgilengen qýatynyń shamamen 29,7 paıyzyn qamtyp otyr. Bul degenimiz – 916 MVt. Onyń ishinde «Shardara SES» AQ-qa – 126 MVt, «AlES» AQ Qapshaǵaı sý elektr stansasyna – 364 MVt, «Moınaq SES» AQ-qa – 300 MVt, «AlES» AQ sý elektr stansasy kaskadyna 43,7 MVt tıesili.
«Samuryq-Energo» AQ sý elektr stansalarynyń elektr energııasyn óndirý kólemi osy jyldyń 9 aıynda 2 035,4 mln kVt/saǵatty qurady.
