«Ýpakjým» jaýapkershiligi shekteýli seriktestiginiń jumysyn órge domalatyp otyrǵan azamat «Tara-Asa» baǵytyndaǵy jol boıynda jańa sehtyń jumysyn jandandyrýǵa nıetti. Kásipkerdiń sózine súıensek, qurylys jumystaryn júrgizý úshin 80 mln teńge shamasynda qarajat jumsalǵan. Sehta jergilikti segiz azamat eńbek etedi. Olardyń tabysy salystyrmaly túrde aıtar bolsaq, jaman emes.
«Azııa qurlyǵyndaǵy Taıland, Qytaı sekildi ózge de kóptegen memlekette qaıta óńdeý tehnologııasyna basymdyq berilgeni málim. Osyndaı ońtaıly tásilderdi ońynan paıdalanǵannan utpasaq, utylmaımyz. Ol dáleldeýdi qajet etpeıtin aksıoma ispetti. Sol sebepti de kásipker osyndaı qadamǵa baryp otyr. Kardony bar, basqasy bar, kez kelgen qoqys qaǵazy arnaıy súzgiden ótkiziledi. Keıinnen basseınder arqyly qalypqa keltiriledi. Tazartylyp, kóbik kúıge deıin jetken qoqys qaǵazdary keıinnen qurylǵylar arqyly qalypke túsedi. Sońyra jumyrtqa ornalastyrǵysh latoktar daıyndalady.
Uzyndyǵy 80 metrge jetetin relstik tehnologııamen 200 gradýstaǵy pesh arqyly táýligine 3 tonna qoqys qaǵazdaryn paıdalaný arqyly 40 myń dana latok shyǵarylyp jatyr. Munyń ózi úlken jumys ekenin aıta ketken lázim. Búgingi tańda shıkizat Aqtóbe, Shymkent, Almaty, Taldyqorǵan, Petropavl qalalaryna jóneltilýde», deıdi Jambyl aýdanynyń ákimi Erlan Qydyralyuly jańa sehtyń jumysy jaıly pikirimen bólisip.
Seriktestik qaǵazdyń kılogramyn 70 teńgeden qabyldaıdy. Al munda eńbek etetin jumysshylardyń jalaqysy aı saıyn emes, kúndelikti tólenedi. Olar táýligine 7-10 myń teńge shamasynda tabys taýyp otyr.
«О́ńir basshysy Nurjan Nurjigitov jergilikti kásipkerlerdi qoldaý kerektigin udaıy aıtyp keledi. Búginde sol baǵytta jumys istep jatyrmyz. Jalpy aýdannyń damý josparynda kórsetilgen birneshe tyń joba bar bolsa, bul sehtyń ashylýy da sol jobamyzǵa saı kelip tur», deıdi Jambyl aýdanynyń ákimi Erlan Qydyralyuly.
Jambyl oblysy,
Jambyl aýdany
