Elordadaǵy «Astana Arena» stadıonynda ótken «Ordabasy» men «Aqjaıyq» klýbtary arasyndaǵy fınaldyq match tórt taımǵa jalǵasyp, asa tartysty básekede fýtbolshylar 9 gol soqty. Negizgi ýaqytta komandalar 4:4 esebimen teń túsip, shymkenttik klýb sońǵy mınýttarda jeńisti julyp aldy. Degenmen matchtyń alǵashqy 15 mınýtyn oraldyq ujym sátti bastaǵan edi. Jetinshi mınýtta Zaven Badoıan esepti ashsa, Tom Tabatadze 11-mınýtta basymdyqty arttyrdy. Birinshi taım belortasynan asqanda «Ordabasy» oıynshysy Samat Shámshi esep aıyrmasyn qysqartty.
Al ekinshi taımnyń basynda Vsevolod Sadovskıı (51) tarazy basyn teńestirdi. Alaıda «Aqjaıyq» kóp uzamaı taǵy eki gol soǵyp, esepte alǵa shyǵyp aldy. Goldyń avtorlary – Tabatadze men Ilıa Kovalenko. Sońǵy mınýtqa deıin oınaǵan «Ordabasy» Maksım Fedın men Lýıs Gýedestiń goldary arqasynda taǵy da esepti teńestirip ketti. Al qosymsha taımnyń ekinshi 15 mınýtynda Elhan Astanov penaltıden gol soǵyp, «Ordabasyna» jeńis syılady. Shymkenttikter 2011 jyly da Qazaqstan kýbogin jeńip alǵan edi.
