«Turan jolbarysynyń popýlıasııasyn qalpyna keltirý boıynsha jumys jalǵasýda. Ile-Balqash qoryǵy Turan jolbarysy popýlıasııasyn qaıta jańǵyrtýǵa daıyn. Biz qoryqtyń 415 myń gektardan astam jerin anyqtadyq. Jolbarystar týraly, qyrkúıek aıynda Reseı Federasııasynda ótken Qıyr Shyǵys ekonomıkalyq forýmynda bizdiń ókilder Reseı Federasııasynyń Tabıǵat mınıstrligimen memorandýmǵa qol qoıdy. Qazirgi ýaqytta tıisti jol kartasy daıyndalýda, oǵan sáıkes 2025 jyly biz ǵylymı zertteýler men negizdeýden basqa Amýr jolbarysynyń birinshi partııasyn ákelýdi josparlap otyrmyz», dedi Serikqalı Brekeshev.
Ekologııa mınıstrliginiń basshysy jem-shóp bazasy daıyndalǵanyn, qoryqqa Buqar buǵylary jetkilikti mólsherde ákelingenin, bul aýmaqta qaban men elik te kezdesetinin atap ótti. Serikqalı Brekeshev munyń azamattarǵa qaýip tóndirmeıtinin de atap ótti.
«Jolbarystardy reseılik tarap bizge tegin beredi. Sondyqtan bul jerde tólem týraly másele joq. Amýr jáne Turan jolbarystaryna keletin bolsaq, ǵalymdarymyz DNQ boıynsha Turan jolbarystaryna uqsas eń qolaıly jolbarys dál Amýr jolbarysy ekenin dáleldedi. Sondyqtan Amýr jolbarystaryn Ile-Balqash qoryǵynyń aýmaǵyna qaıta jersindirý týraly arnaıy sheshim qabyldandy», dep túsindirdi S. Brekeshev.
