Birneshe jyl buryn iske qosylǵan óndiris oshaǵy joǵary surypty un óndirip, 70-ke jýyq adamdy turaqty jumyspen qamtamasyz etip otyr. Zaýyt aldaǵy ýaqytta daıyn ónimdi eksporttaýǵa nıetti. Alaıda keı kezde kásiporynǵa bıdaı jetkizýde qıyndyqtar týyndaıdy, vagondar tapshylyǵy baıqalady.
«Qazaqstandaǵy agrarlyq sektordyń negizgi bir salasy egin sharýashylyǵy ekeni belgili. Elimizdiń soltústik, ortalyq óńirlerindegi alqaptar tutastaı respýblıkany astyqpen qamtamasyz etýge, tipti, dándi daqyldardy shet elderge eksporttaýǵa múmkindik beredi. Degenmen el ishinde týyndaǵan osyndaı problemalar kásipkerlerdiń jumysyna keri áserin tıgizip otyr. Úkimet, mınıstrlikter, ulttyq kompanııalar vagon tapshylyǵy máselesin sheshýi kerek. Otandyq fermerler men qaıta óńdeýshilerdiń múddelerin qorǵaý jolynda kózdegen maqsatymyzdan taıynbaýymyz qajet. Qazaqstanda taýarlar qoryn qurý strategııasynda azyq-túlik naryǵyn damytý jáne qaýipsizdigin saqtaý bárinen buryn ımportqa táýeldi emes, otandyq óndiris esebinen júzege asýy kerek», dedi Jıgýlı Daırabaev.
