Ulttyq kompanııanyń aksııalaryn satyp alýǵa ótinim berý 9 qarashada bastaldy. О́tinim berý jeke ınvestorlar úshin 2 jeltoqsanǵa deıin, al ınstıtýsıonaldy ınvestorlar úshin 30 qarashaǵa deıin jalǵasady.
Bul jerdegi jeke ınvestor degenimiz – elimizdiń kez kelgen turǵyny. Iаǵnı 18 jastan asqan el azamattarynyń bári IRO-ǵa qatysa alady. Demek, buqara halyqtyń 2 jeltoqsanǵa deıin ótinim berýge múmkindigi bar.
Al ótinim berý úshin «Qazposhtanyń» bólimshelerine barý kerek. Respýblıka boıynsha ulttyq poshta operatorynyń 1 myń bólimshesi ótinimderdi qabyldaýǵa ázir. Aıtpaqshy, IRO-ǵa qatysty ótinim qabyldaıtyn bólimshelerdiń tizimi «Qazposhtanyń» resmı saıtynyń (post.kz) «Investısııalar» degen bóliminde naqty kórsetilgen. Sol jerge ótip, tanysýǵa bolady. Bul IRO-ny satyp alýǵa ótinim berýdiń birinshi joly.
Ekinshi jol sál jeńildeý. О́ıtkeni eshqaıda barýdyń qajeti joq. Telefonyńyzǵa Tabysapp qosymshasyn júktep alyp, saýdany ári qaraı jalǵastyra beresiz.
Aıtpaqshy, berilgen ótinimdi 2 jeltoqsanǵa deıin ózgertýge nemese odan bas tartýǵa bolady.
О́tinimder qabyldanyp bolǵan soń, «QazMunaıGaz» ótinimderdi maquldaý týraly sheshim qabyldaıdy. Eger eshqandaı kedergi týyndamasa, aksııa shamamen 7 jeltoqsanǵa qaraı shotyńyzǵa túsedi.
IRO-ǵa qatysty suraqtarǵa jaýap berý úshin jedel jeli (8 (800) 004 03 15) jumys isteıdi. Qońyraý shalý tegin.
Eske sala keteıik, «QazMunaıGazǵa» 551 698 745 aksııa tıesili. Ulttyq kompanııa osynyń 30 505 974-sin IRO arqyly satpaq. Bul aksııalardyń jalpy sanynyń shamamen 5 paıyzyna teń.
IRO-ǵa shyǵarylǵan 1 aksııanyń baǵasy – 8 406 teńge.
IPO (Initial Public Offering) degenimiz – kompanııa aksııalarynyń qor bırjasyna shyǵarylýy. Iаǵnı kompanııa ınvestorlardyń aqshasyna aıyrbastaý úshin ózine tıesili aksııalardyń bir bóligin satylymǵa shyǵarady. Osylaısha, kompanııa aksııalaryn satyp qosymsha qarjy tartady. Al aksııa satyp alǵan ınvestorlar kompanııanyń mınorıtarlyq aksıonerine aınalady jáne odan tabys tabýǵa múmkindik bar.
Aksııadan tabys tabýdyń eki joly bar. Birinshiden, IRO kezinde kompanııa aksııalaryn satyp alý arzanǵa túsedi. Áıtpese, bırjada satylatyn aksııa baǵasy áldeqaıda qymbat. Ekinshiden, aksııany satpaı, dıvıdend tóleıtin ýaqytty kútý kerek. Dıvıdend degenimiz – kompanııa aksıonerlerine túsetin tabystyń bir bóligi.
«QazMunaıGaz» elimizdegi qarjylyq jaǵdaıy turaqty iri kompanııa sanalady. Sondyqtan ol aksıonerlerine tabys ákelýi ábden múmkin. Máselen, 2021 jyly ulttyq kompanııa óz aksıonerlerine 49,9 mlrd teńge kóleminde dıvıdend tóledi. Jalpy, byltyr kompanııanyń taza tabysy 1 197 mlrd teńgeni qurady.
– «QazMunaıGazdyń» IRO-sy tabysty bolady degen senimdemin. О́ıtkeni, kompanııa ulttyq mártebege ıe ári «Samuryq-Qazynaǵa» qarasty mańyzdy kompanııalardyń biri. Onyń ústine tanymal kompanııa. Osynyń bári belgili bir deńgeıde oń nátıje beredi. Degenmen kompanııanyń kiristiligi munaı baǵasyna baǵynyshty. Sondyqtan osy jaǵyn eskerý kerek. Munaıdyń bir barreli 40 dollarǵa satylsa da, kompanııanyń tabysy ortaımaıdy. Sondyqtan halyqtyń jaqsy tabys tabatyn múmkindigi týyp tur. Al «QazMunaıGazdyń» IRO-ǵa shyǵýy kompanııa jumysynyń ashyqtyǵyn qamtamasyz etedi. Bul óz kezeginde ulttyq kompanııanyń basqarý sapasyn jaqsartady, – deıdi Freedom Finance Global kompanııasynyń sarapshysy Danııar Orazbaev.
