Jergilikti Densaýlyq saqtaý komıtetiniń málimetinshe, sońǵy kúnderi ońtústik Gýandýn provınsııasynda (5,6 myńnan astam), Chýnsın qalasynda (2,9 myńnan astam), Henan provınsııasynda (2,2 myńnan astam), Uıǵyr avtonomııalyq okrýgi (800-ge jýyq jaǵdaı) jáne Shyńjańda ınfeksııanyń aıtarlyqtaı ósýi baıqaldy.
Beıjińde koronavırýs juqtyrý qaýpi joǵary 240-tan astam turǵyn úı aýdany bar. Sońǵy táýlikte Qytaı astanasynda COVID-19 ınfeksııasynyń 450-den astam jaǵdaıy anyqtaldy. Sheteldik elshilikter, halyqaralyq uıymdardyń ókildikteri men iri korporasııalar ornalasqan astananyń Chaoıan aýdanynda erekshe kúrdeli epıdemıologııalyq jaǵdaı qalyptasyp otyr.
Beıjiń mýnısıpaldy bıligi Qytaı astanasynyń turǵyndaryn kóp serýendemeýge, epıdemıologııalyq qaýipti aımaqtarǵa jáne banketter men adamdar kóp jınalatyn oryndarǵa barmaýǵa shaqyrady.
Bıylǵy jyldyń qazan aıynyń sońynan bastap Qytaıdyń barlyq derlik aımaqtarynda koronavırýstyń taralýynyń údeýi men ulǵaıýy tirkeldi.
