sýret: polisia.kz
11 qarashada «Refleks» jedel-profılaktıkalyq is-sharasy aıasynda Qyzylorda oblysy IID Esirtki qylmysyna qarsy kúres basqarmasynyń qyzmetkerleri esirtki saýdasymen aınalysyp júrgen 65 jáne 40 jastaǵy qala turǵyndaryn ustady.
Polıseıler kúdiktilerdiń turǵylyqty jerin tekserý barysynda 9,1 keli esirtki anyqtady. Onyń 4,3 kelisi gashısh, 4,8 kelisi keptirilgen marıhýana bolyp shyqty.
Sonymen qatar aıǵaq retinde esirtkini ólsheıtin elektrondy tarazylar alyndy. Kúdiktiler ýaqytsha ustaý ızolıatoryna qamaldy.
Bul fakti boıynsha Qazaqstan Respýblıkasy Qylmystyq kodeksiniń 297-babynyń 3-bóligi «Esirtki, psıhotroptyq zattardy ótkizý, jóneltý nemese ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý» boıynsha sotqa deıingi tergeý amaldary júrgizilýde.
