Atalǵan kóshe Qaraǵandy tas joly, «Nurly Jol» temirjol vokzaly jáne qalanyń sol jaǵalaýy arasyndaǵy kólik baılanysyn qamtamasyz etýge múmkindik beredi. Osylaısha Nájimedenov, Baıtursynov kóshelerindegi kólik aǵyny seıildi.
Jańadan ashylǵan A62 kóshesi 8 jolaqty. Kóshedegi jumystyń bir bóligi aıaqtaldy, qazir 4 jolaq boıynsha qozǵalys ashyq. Qalǵan 4 jolaqty abattandyrý jumysy kóktemde jalǵasady.
Buǵan deıin Uly dala dańǵylyndaǵy jańa kópir ústindegi qozǵalys ashylǵan edi. Kópir Máńgilik el dańǵylyna, A.Baıtursynov, R.Qoshqarbaev, J.Nájimedenov kóshelerine, Nova City aýdanyna, «Myńjyldyq» alleıasynda kólik aǵynyn seıiltýge, «Nurly jol» jańa vokzalyna, Telman jáne Promyshlennyı eldi mekenderine, Metro gıpermarketine, Jumabaev dańǵylyna, Júrgenov kóshesine qoljetimdilikti arttyrdy.
Ákimdik ókilderi habarlaǵandaı, 2023 jyly Esil ózeni arqyly Táýelsizdik dańǵylynyń boıynda taǵy bir kólik kópiri ashylady.
