«Saıası partııalarǵa, múmkindigi shekteýli jandarǵa, jastarǵa, BAQ ókilderine oqytý semınarlaryn ótkizdik. Ortalyq saılaý komıssııasy saılaýdy Qazaqstannan tys jerlerde ótkizýdi qamtamasyz etetin barlyq 68 ýchaskelik saılaý komıssııasynyń músheleri úshin oqytý semınaryn ótkizýde», dedi Nurlan Ábdirov sheteldik dıplomatııalyq ókilder úshin ótken brıfıngte.
Sondaı-aq ol qyrkúıek aıynda jastardyń nazaryn saılaý úderisiniń ózekti máselelerine aýdarý, olardyń elektoraldyq belsendiligi men quqyqtyq mádenıetin arttyrý maqsatynda Ortalyq saılaý komıssııasynyń janynan «Jas saılaýshylar klýby» qurylǵanyn aıtty.
Spıkerdiń aıtýynsha, OSK múmkindigi shekteýli jandardyń daýys berýi úshin qajetti jaǵdaı jasaýǵa erekshe kóńil bóledi. Atap aıtqanda, jergilikti komıssııalarǵa ınvataksı, sýrdoaýdarma, taktıldi joldar jáne Braıl trafaretimen qamtamasyz etý boıynsha tıisti tapsyrmalar berildi.
«Ortalyq saılaý komıssııasynyń janynan Múgedekterdiń saılaý quqyqtaryn qamtamasyz etý jónindegi jumys toby quryldy, Ol belsendi jumys isteıdi. Onyń quramyna múmkindigi shekteýli azamattardyń quqyqtaryn qorǵaý jónindegi bedeldi respýblıkalyq jáne óńirlik birlestikter kiretindeı etip keńeıtildi», dep qosty N. Ábdirov.
