«Astanada sońǵy jyldary short-trek, mánerlep syrǵanaý, hokkeı sekildi sport túrleri jaqsy damyp keledi. Atalǵan chempıonattyń elordada ótýi, Astanalyq sportshylar úshin úlken nátıje. Ekinshi jyl qatarynan ótkizilip otyrǵan qalalyq ashyq chempıonatqa ózge de qalardan kelip qatysýda. Úsh kúnge sozylatyn jarys qysqa jáne erkin baǵdarlama boıynsha ótip jatyr. Bul jarysta juptyq báseke joq. Búgin «Alaý» muzaıdyny saraıynda mánerlep syrǵanaýdan «ASTANA OPEN» qalalyq ashyq chempıonatynyń alǵashqy kúngi jeńimpazdary anyqtaldy», deıdi qalalyq dene shynyqtyrý jáne sport basqarmasynyń baspasóz hatshysy Madına Aıtqalıeva.
Uıymdastyrýshylardyń aıtýynsha jeke razrıadtaǵy jarystar Halyqaralyq konkıshiler odaǵynyń talaptaryna sáıkes ótedi. Balalar men jasóspirimder, sondaı-aq sport sheberi men sport sheberine úmitkerlerdiń ónerin arnaıy shaqyrylǵan halyqaralyq tóreshiler baǵalaıdy.
Búgin jarys alanyńa sport sheberleri men sport sheberine úmitker ul-qyzdar shyǵady.
Aıta keteıik, chempıonat qorytyndysy boıynsha Qazaqstan Respýblıkasynyń jastar chempıonatyna 24 eń myqty sportshydan Astana qalasynyń qurama komandasy jasaqtalady.
«Bul jarysta biz eń myqty degen elordalyq sportshylar arasynan 24 tańdaýly mánerlep syrǵanaýshyny Astana qalasynyń qurama komandasyna qabyldaımyz. Olar aldaǵy 20-24 qarasha aralyǵynda О́skemen qalasynda ótetin mánerlep syrǵanaýdan QR jastar chempıonatynda óner kórsetedi. Sondyqtan respýblıkalyq arenada qalamyzdy laıyqty tanytatyn myqty komandany tańdaý biz úshin óte mańyzdy», deıdi Astana qalasynyń mánerlep syrǵanaý federasııasynyń prezıdenti Elmıra Turǵanova.
Jarys 16 qarashaǵa deıin jalǵasady. Kórermender men jankúıerler úshin kirý tegin.
