Sharaǵa Astana qalasy ákiminiń orynbasary Eset Báıken, halyqaralyq baıqaýshylar men elordalyq saılaý komıssııalarynyń tóraǵalary qatysty.
«Elordada barlyǵy 407 saılaý ýchaskesi bar. Onyń 68-i Qazaqstannyń sheteldegi ókildikteriniń janynda ornalasqan. Astanada halyq sanynyń kóp bolýyna baılanysty 59 jańa saılaý ýchaskesi ashyldy. 20 qarashada saılaý ýchaskelerine 768 myńnan astam saılaýshy keledi dep kútýdemiz», dedi Astana qalasy aýmaqtyq saılaý komıssııasynyń tóraıymy Baqyt Bektemisova.
Onyń aıtýynsha, eldegi saılaý ýchaskelerin kezekten tys prezıdenttik saılaýǵa daıyndaý jumystary aıaqtalýǵa jaqyn.
