Chevrolet Sobalt jáne Chevrolet Nexia kólikteri – «SaryarqaAvtoProm» otandyq óndirýshiniń ónimi. Bul kólikter oblystaǵy jeti aýdan men Balqash, Qaraǵandy qalalarynyń vetstansalaryna buıyrdy. Qaraǵandy oblysy veterınarııa basqarmasynyń basshysy Qaıyrbek Tursynbekov 2012 jyldan beri kóliktiń jańarmaǵanyn, qolda barynyń 17 paıyzy tozǵanyn málimdedi.
– Qyzmettik avtokólik 2012 jyldan beri jańartylmady. Mashınalardyń 17 paıyzǵa jýyǵy jaramsyz. Jańa kólik jedel áreket etý úshin asa qajet. Kólik barlyq stansaǵa berildi. Aýrý taraǵan, ne mal qyrylǵanda shuǵyl túrde zerthanaǵa saraptamaǵa taldaý aparý qajettigi týyndap, ondaıda kólikter jolda buzylǵan jaǵdaılar da boldy. Al synamaǵa alynǵan saraptamalyq materıal tek 4-5 saǵatqa ǵana jaramdy. Sondyqtan kólik te jumystyń sapaly oryndalýyna áser etedi, – deıdi Q.Tursynbekov.
Búgingi tańda aımaqtaǵy 672 qyzmetkerdiń jalaqysy 50 paıyzǵa ósken. Veterınarlardy qoldaý úshin oblystyq bıýdjetten qarajat ta bólingenin atady óńir basshylyǵy.
– Bizdiń jumysty kóliksiz elestetý áste múmkin emes. Aýdannyń aýmaǵy úlken. Osakarovkanyń bir shetine 120-150 shaqyrym, ekinshi bir shetine 100 shaqyrym jol júrýge týra keledi. Aldyn alý, dıagnostıka sharalaryn iske asyrǵanda kóliktiń qajettiligi qatty seziledi. Al myna jańa kólikter bizge qyzmettik mindetimizdi sapaly jáne ýaqtyly oryndaýǵa múmkindik beredi, – deıdi Osakarov aýdanynyń bas veterınary Iýrıı Sergeev.
Qaraǵandy oblysy
