Sınoptıkterdiń aıtýynsha, eldiń basym bóligindegi aýa raıyna soltústik-batys antısıklony áser etedi. Jaýyn-shashynnyń qysqa merzimge toqtaýy jáne temperatýranyń tómendeýi kútiledi. Kezeńniń sońynda frontaldy aǵyndardyń ótýimen birge respýblıkanyń basym bóliginde jaýyn-shashyn bolady.
«Soltústikte qar, al ońtústik pen batysta jańbyr men qar jaýady. Respýblıka boıynsha jeldiń 15-23 m/s deıin kúsheıýi, kóktaıǵaq, tuman bolsa, soltústik, shyǵys, ortalyqta burqasyn kútiledi. Túnde soltústikte, shyǵysta, ortalyqta aýanyń temperatýrasy 8-22 gradýsqa deıin tómendeıdi», delingen habarlamada.
