sýret: polisia.kz
Oblystyq PD Uıymdasqan qylmysqa qarsy kúres basqarmasynyń qyzmetkerleri QR IIM men Jarma aýdandyq polısııa qyzmetkerleri birigip, Jarma aýdanynyń 50 jastaǵy turǵynyn ustady. Úıdi tintý barysynda zańsyz saqtalǵan myltyq pen patrondary bar travmatıkalyq tapansha tárkilendi.
Tárkilengen eki qarý da atýǵa jaramdy. IIM arnaıy beketterinde júrgizilgen tekseris barysynda er adam qarýdyń zańdy ıesi emes ekeni anyqtaldy.
Atalǵan fakti boıynsha Qazaqstan Respýblıkasy Qylmystyq kodeksiniń 287-babynyń 3-bóligi «Atys qarýyn (tegis uńǵyly ańshylyq qarýdy qospaǵanda) zańsyz alý, berý, ótkizý, saqtaý, tasymaldaý nemese alyp júrý» boıynsha sotqa deıingi tergeý bastaldy. Bul baptyń sanksııasynda 5 jylǵa deıin bas bostandyǵynan aıyrý túrindegi jaza qarastyrylǵan.
