Elorda ákimdigi avtoparkti qoǵamdyq kólikpen jańartý jáne tolyqtyrý boıynsha, onyń ishinde jeke ınvestısııalardy jumyldyrý esebinen júıeli jumys júrgizýde. Jańa elektr avtobýstary avtoparkti aıtarlyqtaı jańartýǵa, jańa marshrýttardy engizýge, aıaldamalarda avtobýstardyń kútý aralyǵyn qysqartýǵa múmkindik beredi.
«City Transportation Systems» JShS qazirgi ýaqytta avtobýs parkin 300-den astam elektroavtobýspen jańartý jáne tolyqtyrý boıynsha úsh ınvestormen jumys júrgizip jatyr. Jeke ınvestısııalar esebinen qalada avtobýs parki de salyndy.
Buǵan deıin Astanada jelige 115 elektroavtobýs shyǵarylǵan bolatyn. Bıyl qys mezgilinde jelige taǵy 50 elektroavtobýs shyǵarý josparlanyp otyr. Elektr avtobýstarynyń ekologııalyq turǵyda taza bolýyndaǵy artyqshylyqtary: atmosferaǵa zııandy shyǵaryndylardyń bolmaýy, olardy paıdalaný kezindegi únemdilik jáne t.b.
Sonymen qatar bıyl jyl basynan beri qoǵamdyq kólik marshrýttarynyń 27 shemasyn ońtaılandyrý boıynsha jumys júrgizildi, jańa marshrýttar iske qosyldy, Bus lane jańa ýchaskeleri engizildi, 15 aıaldama pýnkti qosyldy jáne t.b. Sońǵy jyldary 70 jyly aıaldama ornatyldy, taǵy 20 jyly aıaldama boıynsha ınjenerlik jelilerge qosylý boıynsha jumystar júrgizilýde.
