Meıram Qajyken jas muǵalimderge bólinetin qarajat jetkiliksiz bolǵandyqtan mamandar qalaǵa qaıtyp ketetinin jasyrmady. «Men bul máselemen tanyspyn. Jastar eki jylǵa keledi, qıyndyqtarǵa tap bolady, shydamaıdy, sosyn ketedi. Turǵyn úı jáne jalaqy máselesi sheshilmeıdi. Bul úderisti úkimet nashar baqylaıdy. Eger biz jas mamandardy, dárigerlerdi, býhgalterlerdi, muǵalimderdi aýyldyq jerlerde qaldyrǵymyz kelse, baǵdarlamany qaıta qarap, jetildirýimiz qajet», dedi kandıdat. Úmitker mamandardyń jetispeýshiligi adamdardyń ómirine jáne jalpy óńir ekonomıkasyna teris áser etetinin eske saldy.
Al Almatyda uıymdastyrylǵan dóńgelek ústelde jumys berýshiler men kásipodaqtardyń ókilderi «Atameken» Ulttyq palatasyna balama uıym qurý týraly bastama kóterdi. Otyrysqa qatysýshylardyń aıtýynsha, kásipkerler ulttyq palatanyń keıbir áreketterine narazy. Sondyqtan kóp azamat úshin jumys berýshi bolyp tabylatyn bıznestiń múddelerin qorǵaý jónindegi jańa organ qurý týraly másele týyndady. Talqylaý nátıjesinde taraptar ekijaqty áleýmettik áriptestik alańyn damytý týraly sheshim qabyldady.
