Qurylys isteri jáne turǵyn úı-kommýnaldyq sharýashylyq komıteti tóraǵasynyń orynbasary Baqytjan Júnisbekov aglomerasııalardy damytý máselelerine baılanysty Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizilgenin aıtty. Tutastaı alǵanda, «Aglomerasııalardy damytý týraly» zań aglomerasııalardy damytý salasyndaǵy qoǵamdyq qatynastardy rettep, elimizde aglomerasııalardy qalyptastyrý jáne olardyń jumys isteýine quqyqtyq ári uıymdastyrýshylyq jaǵdaılardy jasaýǵa baǵyttalypty.
Sondaı-aq ol qazir qalalyq qurylysy kodeksi ázirlenip jatqanyn, onyń ishinde qoǵamdyq tyńdaýlar ótkizý qaǵıdalary qarastyrylatynyn jetkizdi. Esterińizge salsaq, Memleket basshysy Úkimetke qala qurylysy kodeksin daıyndap, qabyldaýdy tapsyrǵan bolatyn. Osy arqyly ár qaladaǵy jer ýchaskeleriniń fýnksıonaldy ınteraktıvti kartalary men kommýnaldyq jelilerdiń sulbasy jasalady. Osyǵan baılanysty jer kadastrynda ónerkásiptik maqsattaǵy ýchaskelerdiń kartalary kólik jáne kommýnaldyq ınfraqurylymnyń ózekti sulbalarymen tolyqtyrylady. Bul oraıda quramyna ǵylymı ınstıtýttar men bıznes qaýymdastyq ókilderinen turatyn jumys toby qurylatynyn aıta ketken jón.
Onlaın kezdesýde qatysýshylar sáýlet jáne qala qurylysynyń ózekti máselelerin kóterdi. Aıtalyq, Qazaqstan qurylysshylary qaýymdastyǵy men Qazaqstan jobalaýshylarynyń respýblıkalyq odaǵynyń ókilderi qalalyq qurylysy jobasy sheńberinde qoǵamdyq tyńdaýlar ótkizýge qatysty suraq qoıdy.
О́z kezeginde Sáýlet, qala qurylysy jáne qalalyq qurylys kadastry basqarmasynyń bas mamany Qulan Qulyshev qazir qalalardaǵy qurylystyń tyǵyzdyǵyna baılanysty qurylys júrgizýdi uıymdastyrýdyń erejelerine ózgerister engizilgenin jetkizdi.
Aıta ketý kerek, Indýstrııa jáne ınfraqurylymdyq damý mınıstrliginde qalalardy keshendi salý standarty ázirlendi. Jobany ázirleý Memleket basshysynyń tapsyrmasy aıasynda halyqaralyq tájirıbeni eskere otyryp, halyqtyń ómir súrý sapasyn arttyrý maqsatynda qolǵa alyndy. Spıkerlerdiń aıtýynsha, qurylys tyǵyzdyǵy men nysandardyń beıbereket salý máselesi taıaý arada umytylady.
