Al oblys ortalyǵy Qonaev qalasynda 33 saılaý ýchaskesi bar. Tań bozynan esigin aıqara ashqan orynnyń biri – №949 saılaý ýchaskesi. Bul ýchaskede 1737 saılaýshy tirkelgen eken. Olardyń alǵashqy legi daýys berip, óz tańdaýyn jasap ta úlgerdi.
Qazynaly qarııa, oblystyq ardagerler keńesiniń múshesi Amangeldi Kerimbekov aqsaqal osy saılaý ýchaskesine birinshi kelgenderdiń qatarynda boldy. Alǵashqy bolyp óz daýysyn berdi.
- Halqyma birinshi tynyshtyq bolsyn degim keledi. Sonda bizdiń urpaqtarymyz qıyndyq kórmeı ómirden ótedi. Keıingi jastar Qazaqstandy álemge tanytsyn. О́z daýysymdy elimniń tynyshtyǵy úshin berdim. 79 jastamyn, Qonaev qalasynda ekinshi ret saılaýǵa qatysyp otyrmyn», dedi Amangeldi Kerimbekov.
Al aqsaqalǵa №949 saılaý ýchaskesiniń tóraǵasy Anar Abysheva birinshi bolyp kelgeni úshin arnaıy syı-sııapat tabys etti. Sondaı-aq osy №949 saılaý ýchaskesine kelip, alǵash ret saılaýǵa qatysý mártebesine ıe bolǵan jastar da boldy. Qonaev qalasynyń jas turǵyny Aqnur Ashatqyzy sonyń biri eken.
- Ertemen kelip, tańdaý jasadym. Bul meniń eń alǵashqy daýys berýim. Qobaljyp turmyn. Jastar saılaýda barynsha belsendi bolsa eken deımin. Bıyl 18 jasqa tolyp, alǵash ret saılaýǵa qatystym, deıdi Aqnur Ashatqyzy.
