«Búgin men konstıtýsııalyq quqyqtarymdy paıdalanyp, azamattyq boryshymdy oryndadym – prezıdent saılaýyna qatystym. Biz alǵash ret jeti jyldyq kezeńge prezıdentti tańdaımyz. Sondyqtan búgin elimizdiń aldaǵy jeti jylǵa arnalǵan eń mańyzdy damý baǵyttary aıqyndalatyn bolady», dedi ákim jýrnalısterge.
Onyń pikirinshe, Almaty oblysynyń turǵyndary belsendi daýys berýde.
«Meniń oıymsha, saılaý ýchaskeleri boıynsha Almaty oblysynyń turǵyndary búgin tańerteńnen bastap óte belsendi daýys berip jatyr», dedi óńir basshysy.
Aıta ketsek, Almaty oblysynyń aýmaǵynda barlyǵy 606 saılaý ýchaskesi ashyldy. Olar saılaý kúni jergilikti ýaqyt boıynsha 07:00-den 20:00-ge deıin jumys isteıdi.
