Egizderdiń ákesi Erlan Máýlenov elde bolyp jatqan saıası naýqanǵa ún qatýdy azamattyq paryz dep sanaıdy.
- Men Qazaqstan Respýblıkasynyń azamaty retinde osyndaı tarıhı kezeńde shet qalmaýǵa sheshim qabyldadym. Búgin, mine jubaıymmen birge Aqtaýdaǵy №8 ýchaskege kelip, óz tańdaýymyzdy jasadyq. Búgingi kún – bolashaqty aıqyndar tarıhı kezeń. Biz osyndaı saıası naýqandarǵa qatysý arqyly elimizdiń búgini men erteńi bizdiń qolymyzda ekenin, bolashaq urpaq úshin jaýapkershilik alatynymyzdy kórsetemiz. Balalarymyz - Qasym men Jomartty erte keldik. Sebebi, artymyzdan ergen urpaǵymyzǵa osyndaı tarıhı sátterge jaýapkershilikpen qaraýǵa úıretýimiz kerek. Otandastarymyzǵa eldiń tynyshtyǵy, ár otbasynyń amandyǵyn tileımin, - deıdi Erlan Máýlenov.
Aıta keteıik, Qasym men Jomart Máýlenovter 2009 jyly dúnıege kelgen. Egizderge bul esimdi ájesi qoıǵan. Olar úıdiń úlkeni. Aqtaýdaǵy №11 lıseıdiń 8 synybynda oqıdy. Egizder birneshe tilde erkin sóıleıdi. Bolashaqta dıplomat bolýdy armandaıdy.
