Sportta júrip, shetelge kóp saparladyq. Shynyn aıtý kerek, kóp memleketke qaraǵanda elimizdiń kóshi áldeqaıda ilgeri. Qaı salada bolsyn, otandastarymyz orasan zor tabysqa jetip júr. Sonyń arasynda sport ta bar. Bul árıne, qýantady. Almatyǵa jolym túsip, prezıdent saılaýyna qatysý úshin Respýblıkalyq sport kolledjine kelip, osy jerde ornalasqan №271 saılaý ýchaskesinde daýys berdim.
Kóptegen etnos ókilderi turyp jatqan keń-baıtaq Qazaqstanǵa eń keregi – turaqtylyq pen beıbitshilik, ekonomıkalyq turǵyda ósý, halyqtyń ál-aýqatynyń artýy, alys-jaqyn shet memlekettermen jaqsy qarym-qatynas qurý. Osynyń barlyǵy da tikeleı prezıdentke baılanysty. О́ziniń bir sózinde halyq jazýshysy Sherhan Murtaza «Prezıdent – bireý, halyq oǵan tireý bolýy kerek» dep aıtqan edi. Men bul pikirmen tolyq kelisemin. Jańadan saılanǵan prezıdentke siz bolyp, biz bolyp, halyq bolyp, barynsha qoldaý kórsetýimiz kerek. Tek sonda ǵana elimiz órkendep, álemdik qaýymdastyq aldynda Qazaqstannyń bedeli men mártebesi artady.
Qaırat SÁTJANOV,
bokstan Qazaqstan ulttyq quramasynyń bas bapkeri
