О́ńirlerden jetken derekterge kóz júgirtsek, Abaı oblysy boıynsha – 80,18, Aqmola oblysy boıynsha – 78,87, Aqtóbe oblysy boıynsha – 72,81, Almaty oblysy boıynsha – 72,10, Atyraý oblysy boıynsha – 70,87, Batys Qazaqstan oblysy boıynsha – 68,67, Jambyl oblysy boıynsha – 79,57, Jetisý oblysy boıynsha – 81,42, Qaraǵandy oblysy boıynsha – 78,39, Qostanaı oblysy boıynsha – 79,28, Qyzylorda oblysy boıynsha – 81,7, Mańǵystaý oblysy boıynsha – 66,99, Pavlodar oblysy boıynsha – 77,58, Soltústik Qazaqstan oblysy boıynsha – 79,1, Túrkistan oblysy boıynsha – 80,37, Ulytaý oblysy boıynsha – 75,48, Shyǵys Qazaqstan oblysy boıynsha – 79,49, Astana qalasy boıynsha – 48,60, Almaty qalasy boıynsha – 28,72, Shymkent qalasy boıynsha 59,79 paıyz turǵyndar daýys berdi.
Sonymen qatar 53 shet memlekettegi 68 ýchaskede 12 myńnan astam Qazaqstan azamaty daýys berýge múmkindik aldy. Daýystardy sanaý nátıjeleri aýmaqtyq saılaý komıssııalarynyń otyrystarynda belgilenip, Ortalyq saılaý komıssııasyna eki kúndik merzimde jetkiziledi. Saılaýdyń aldyn ala qorytyndylary 22 qarashaǵa deıin jarııalanýǵa tıis. «El ishindegi barlyq saılaý ýchaskesinde daýys berý aıaqtaldy. Búkil kezeń boıy daýys berý úderisin kandıdattardyń senim bildirgen ókilderi, saıası partııalardyń ókilderi, qoǵamdyq birlestikter, buqaralyq aqparat quraldary baqylady. Qorytyndy statıstıka búgin usynylady. Saılaýshylar tizimine qosylmaǵan jáne tirkeýi joq azamattarǵa da daýys berý múmkindigi berildi. Nátıjesinde, 2 260 saılaýshy sondaı múmkindikke ıe boldy», dedi Ortalyq saılaý komıssııasy tóraǵasynyń orynbasary Konstantın Petrov.
Saǵat 22.00-degi jaǵdaı boıynsha shet memleketterdegi Qazaqstan ókildikteri janynan ashylǵan 68 ýchaskeniń 24-i jumysyn aıaqtady. Daýys berý tek 44 ýchaskede júrip jatyr.
Jalpy, saılaý kúni tańǵy 7.00-den bastap Abaı oblysynda – 475, Aqmola oblysynda – 717, Almaty oblysynda – 606, Shyǵys Qazaqstan oblysynda – 537, Jambyl oblysynda – 493, Jetisý oblysynda – 447, Qaraǵandy oblysynda – 642, Qostanaı oblysynda – 745, Pavlodar oblysynda – 528, Soltústik Qazaqstan oblysynda – 640, Túrkistan oblysynda – 919, Ulytaý oblysynda – 136, Astana qalasynda – 406, Almaty qalasynda – 600, Shymkent qalasynda 311 saılaý ýchaskesi jumys istedi. Al qalǵan 5 óńirde, atap aıtqanda Aqtóbe, Atyraý, Mańǵystaý, Batys Qazaqstan jáne Qyzylorda oblystaryndaǵy 1 883 saılaý ýchaskesinde daýys berý jergilikti ýaqytpen saǵat 07-00-de, ıaǵnı astana ýaqytymen saǵat 08-00-de bastalyp, saǵat 21.00-de aıaqtaldy.
Saılaý zańnamasynda kózdelgen tártippen aýmaqtyq komıssııalar daýys berýdi bastaýdyń ózge ýaqytyn belgileý jóninde sheshim qabyldaǵanyn atap ótken jón. Oblystardyń, Astana, Almaty, Shymkent qalalarynyń aýmaqtyq komıssııalarynan usynylǵan jedel málimetter boıynsha tıisti aýmaqtyq komıssııalardyń sheshimderimen 86 saılaý ýchaskesinde daýys berý jergilikti ýaqyt boıynsha tańǵy saǵat 06.00-de bastaldy. Qala quraýshy kásiporyndardyń aýysymdyq jumys kestesi eskerildi. Onyń 47-si azamattardyń ýaqytsha bolatyn jerlerindegi ýchaskeler. Budan bólek, 514 saılaý ýchaskesinde daýys berýdiń aıaqtalý ýaqytyn saǵat 20-00-ge deıin shekteý týraly sheshim qabyldanǵan joq. Iаǵnı áskerı bólimderde, stasıonarlyq emdeý-profılaktıkalyq mekemelerde, alys jáne jetý qıyn aýdandarda, shalǵaıdaǵy mal sharýashylyǵy ýchaskelerinde, demalys úılerinde, sanatorıılerde, tergeý ızolıatorlary men ýaqytsha ustaý oryndarynda, sondaı-aq Qazaqstannyń shet memleketterdegi ókildikteri janynan qurylǵan ýchaskelik saılaý komıssııasy tizimine engizilgen barlyq saılaýshylar daýys bergen jaǵdaıda kez kelgen ýaqytta «daýys berý aıaqtaldy» dep jarııalaýǵa múmkindik berildi.
Ishki ister mınıstrligi saılaý kezeńi qalypty jaǵdaıda ótkenin málimdedi. «Saılaý kúni quqyq qorǵaý organdary eldegi qaýipsizdik sharalary men quqyqtyq tártiptiń saqtalýyn kúsheıtilgen rejimde qamtamasyz etti. 10 myńǵa jýyq saılaý ýchaskesinde 20 myń polısııa qyzmetkeri qyzmet atqarsa, budan bólek qoǵamdyq oryndarda 14 myńdaı saqshy jumys istedi», dedi Ishki ister mınıstrligi Ákimshilik polısııa komıtetiniń tóraǵasy Jandos Muratalıev.
Zańnamada saılaý qorytyndylaryn belgileýge jáne jarııalaýǵa, saılanǵan prezıdentti tirkeý saılaýdan keıin 10 kúnnen aspaıtyn merzimde kózdelgen. Bul joly saılaý qorytyndylaryn anyqtap, saılanǵan prezıdentti tirkeýge 7 kún berilip otyr.
Esterińizge sala keteıik, 20 qarashada Ortalyq saılaý komıssııasy kúni boıy ýchaskelerdiń ashylýy jáne daýys berýdiń bastalýy týraly aqparat berip otyrdy, sondaı-aq árbir eki saǵat saıyn OSK músheleri daýys berýshilerdiń kelýi týraly oblystardyń, respýblıkalyq mańyzy bar qalalardyń, elordanyń aýmaqtyq komıssııalarynyń derekterin jarııalady.
Respýblıka boıynsha ýchaskelerde daýys berý saǵat 20.00-de aıaqtalsa, respýblıka aýmaǵyndaǵy saǵat beldeýleriniń shekaralaryna sáıkes bes óńirde – Aqtóbe, Atyraý, Batys Qazaqstan, Qyzylorda jáne Mańǵystaý oblystarynda daýys berý elorda ýaqyty boıynsha saǵat 21.00-de aıaqtaldy.
Oblystardyń, respýblıkalyq mańyzy bar qalalardyń, elordanyń komıssııalary usynǵan derekterge sáıkes 2022 jylǵy 20 qarashada Astana ýaqytymen saǵat 22.00-degi jaǵdaı boıynsha tizimge engizilgen azamattardyń jalpy sanynyń 69,43%-y bıýlleten alǵan.
