Qazaqstan Syrtqy ister mınıstrligi Qazaqstan Respýblıkasy Prezıdentiniń kezekten tys saılaýynda shet elderdegi QR mekemeleri janyndaǵy saılaý ýchaskeleriniń qyzmetin qamtamasyz etý jónindegi jumysty aıaqtady. Sheteldegi qazaqstandyqtar arasynda daýys berýde joǵary belsendilik baıqaldy.
«Shet elderdegi Qazaqstan mekemeleriniń janynan 53 memlekette saılaýshylardyń jalpy sany 12 841 adamnan turatyn 68 ýchaskelik saılaý komıssııasy ashyldy. Sheteldegi barlyq ýchaskelik saılaý komıssııalary óz jumysyn aıaqtady. 11 360 Qazaqstan azamaty daýys berdi, bul daýys berýshilerdiń kelýiniń 88,47%-yn qurady», dedi Aıbek Smadııarov.
Qazaqstan azamattarynyń kópshiligi Reseıde daýys bergen. Onda 2600 adam óz tańdaýyn jasady. Saılaýshylar sany boıynsha ekinshi orynda Túrkııa, bul elde 1423 adam daýys bergen. Úshinshi orynda О́zbekstan, munda 591 adam saılaýǵa barǵan.
