Aldaǵy Palata otyrysynda senatorlar «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksin (Salyq kodeksi) qoldanysqa engizý týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn qaraıdy.
Usynylǵan túzetýlerdiń qatarynda eńbekaqy tóleý qoryna júktemeni azaıtý jáne biryńǵaı tólemdi engizý máseleleri bar. Dálirek aıtqanda, qazirgi ýaqytta mıkro jáne shaǵyn bıznes sýbektileri eńbekaqy tóleý qorynan 34,5 paıyz tóleıdi. Al 2023 jyldan bastap birtindep 2028 jyly 26,3 paıyzǵa deıin óse otyryp, 20 paıyzdyq biryńǵaı tólemdi erikti negizde tóleý usynylady.
Aıta ketsek, Senat otyrysynda «Qazaqstan Respýblıkasynyń keıbir zańnamalyq aktilerine kólik jáne jer qoınaýyn paıdalaný máseleleri boıynsha ózgerister men tolyqtyrýlar engizý týraly» zań jobasy da qaralady. Atalǵan qujat joldardaǵy kóliktik baqylaýdy avtomattandyrý bóliginde ózgeristerdi, teńiz kóligi salasyndaǵy halyqaralyq sharttardyń normalaryn ımplementasııalaýdy, temir jol kóligindegi oqıǵalardy, kemelerge qatysty apattyq jaǵdaılardy jáne azamattyq avıasııany tergeý tártibin jetildirýdi kózdeıdi.
