Fılm tehnologııanyń damý dáýirinde túsiniksiz jáne mańyzdy emes bolyp qalýdan qorqatyn aqyn týraly baıandaıdy. Ssenarıı nemis jazýshysy German Gesseniń «Avtorlyq kesh» áńgimesine negizdelgen. Taspanyń túsirilimi Almaty, Almaty oblysy jáne Atyraýda ótti. Basty keıipkerdi belgili ánshi jáne mýzykant Erdos Qanaev somdady.
Esterińizge sala keteıik, fılmniń álemdik premerasy 2021 jyly Japonııadaǵy 34-shi Tokıo halyqaralyq kınofestıvaliniń basty baıqaýynda ótti, onda fılm «Úzdik rejıssýra» úshin marapattaldy. Osy jyldyń basynda fılm Germanııadaǵy 72-shi Berlın halyqaralyq kınofestıvalinde baıqaýdan tys kórsetildi. Sondaı-aq «Aqyn» Brazılııadaǵy Olhar de Cinema halyqaralyq kınofestıvalinde «Úzdik fılm» syılyǵyn jeńip aldy.
Qazaqstanda kartına osy jyldyń sáýir aıynda shekteýli prokatqa shyǵaryldy. Sondaı-aq 14 jeltoqsannan bastap «Aqyn» Fransııa kınoteatrlarynda prokatqa shyǵatyny belgili boldy.
