Taraz qalalyq «Anaǵa taǵzym» ortalyǵynyń uıytqy bolýymen «Altaıdyń ar jaǵynan kelgen arý» taqyrybynda ádebı-sazdy kesh ótti. Is-sharaǵa Tynyshbaı Rahımovtiń uly Tańat, qaryndastary Aıtkúl men Amankúl qatysyp, aqyn, kompozıtordyń shyǵarmashylyǵy, kisilik kelbeti týraly oılaryn ortaǵa saldy.
«Ákemniń notaǵa túsken 81 áni bar eken. Jurttyń júregine jyly tıgen «Altaıdyń ar jaǵynan kelgen arý» áni áli kúnge ár jerlerde oryndalyp jatady. Meniń ákem – halyqtyń adamy. Qaı kezde de eldiń ortasynda júrdi. Segiz balanyń ákesi retinde bizdiń boıymyzǵa tek jaqsy qasıetterdi darytty», dedi Tańat Rahımov ákesi týraly tolǵana sóılep.
Syrshyl sazger, aqyn Tynyshbaı Rahımovti eske alýǵa arnalǵan ádebı keshte jergilikti aqyndar men jýrnalıster de óz oılaryn ortaǵa salyp, kompozıtordyń murasy qazaq halqymen birge jasaı beretindigin tilge tıek etti. Ádemi ándermen ádiptelip, qazaqtyń qara óleńi oqylǵan is-sharaǵa qatysýshylar Tynyshbaı Rahımovtiń adamı qasıetin jan-jaqty ashýǵa tyrysty.
TARAZ
