Baıqaýshylardyń oń baǵasy

Ortalyq tóraǵasy Tólegen Kúnádilov daýys berý bary­syndaǵy respýblıkalyq jedel shtabtyń atqarǵan jumysy týraly aıtyp berdi. Onyń aıtýynsha, saılaý kúni tańerteńgi saǵat 6:00-den bas­tap 22 myń baıqaýshy elimizdiń barlyq saılaý ýchaskelerinde, sonyń ishinde eń shalǵaıdaǵy saılaý ýchaskelerinde baqylaý júrgizdi. Partııalyq emes baıqaý ortalyǵynyń respýblıkalyq shtabynyń janynan ahýaldyq ortalyq jumys istedi. Oǵan naqty ýaqyt rejiminde ortalyqtyń óńirlik úılestirýshilerinen da­ýys berý barysyn baqylaý týraly kelip túsken ózekti aqparattar men derekterge taldaý júrgizilgen.

«Barlyq baıqaýshylar ýchaske­lerge kedergisiz jiberildi. Ýchas­ke­lerge kelgennen keıin baı­qaýshylar saılaýshylarǵa arnal­ǵan aqpa­rat­tyq stendterdiń resim­delýin tekserdi. Baıqaý­shylarǵa qysym jasaý jáne olardyń jumysyna kedergi jasaý týraly shaǵymdar túsken joq», dedi T.Kúnádilov.

Daýys berý barysy men nátıjelerine áser etýi múmkin buzýshylyqtar týraly jappaı habarlamalar bolǵan joq. Biraq birqatar saılaý ýchaskesinde jekele­gen bu­zýshylyqtar tir­kelgen. Dese de, ondaı jaǵdaıdyń aldy alynyp, jalpy saılaý­dyń zańdylyǵy men ashyqty­ǵy­na áser etpegenin atap ótken jón. Baıqaýshylar daýys­tar­dy sanaý úderisi barysynda buzý­shy­lyqtardy anyqtamady.

«Baqylaýdyń negizgi maqsaty zańnamanyń, ashyqtyq pen obek­tıvtiliktiń saqtalýyn baqy­laý bolsa da, bizdiń baıqaý­shy­lary­myzdyń birqatar esker­tý­i keıbir qoǵamdyq uıym­dar baıqaýshylarynyń saı­laý ýchas­kelerindegi teris áre­ketine qatysty. Bul faktiler zańdy bilý deńgeıiniń jetkilik­sizdigine nemese tájirıbeniń bol­maýyna baılanysty. Keıbireýler ádeıi aran­datyp, komıssııalardyń jumy­syn jamandaýǵa áreket jasady. Mun­daı áreketterdi saılaý ýchas­kelerinde de, aqparat alań­ynda da kezdestirdik», dedi Tólegen Kúnádilov.

Osy rette, ýchaskelerdegi aǵym­daǵy jaǵdaıdyń obektıvti beınesin kórsetý maqsatynda Partııalyq emes baıqaý ortaly­ǵynyń baıqaýshylary áleýmet­tik jelilerde belsendi jumys júrgizgen. «Saılaý kúni baı­qaý­shylar 3 myńnan astam jazba jarııalady, olar shynaıy aqparatpen keıbir jasandy oqıǵalardyń mánin jan-jaqty túsindirdi. Kúni boıy kelip túsken aqparatty taldap, jedel teksere otyryp, biz áleý­mettik jeliler men BAQ-taǵy óz akkaýnttarymyzda tıisti málim­demeler jarııaladyq», dedi T.Kúná­dilov.