О́z kezeginde Qasym-Jomart Toqaev saılaýǵa deıin ár áleýmettik toppen kezdesip, olardyń problemalaryn sheshýge tyrysty. Áý basta onyń jumys baǵyty orta jáne áleýmettik álsiz toptardy qoldaýǵa baǵyttalǵanyn atap ótken jón. Ásirese ana men balany qoldaý, turǵyndardyń ómir sapasyn arttyrý sııaqty mańyzdy áleýmettik máselelerge mán beredi.
Bul qadamdar elektorat tarapynan joǵary baǵalandy. Áli de bolsyn atqarylar sharýa az emes. Máselen, qazaqstandyq saıası mádenıetti damytý máselesi aldan shyǵady. Bul – jalǵyz el basqaratyn azamattardyń ǵana problemasy emes, azamattyq qoǵamnyń da «derti». Astana men Almaty qalasyndaǵy absenteızmniń deńgeıi joǵary bolýy ondaǵy turǵyndardyń sany kóp bolýymen baılanysty shyǵar. Almaty qalasynda ádettegideı daýys berýshilerdiń úlesi az boldy. Áıtpese, bul shahardyń áleýmettik-ekonomıkalyq damýy tabysty jalǵasyp, turǵyndary da eldiń saıası ómirine beıjaı qaramaıtyndaı jóni bar edi. Astana qalasynda da elektorattyń jartysy ǵana daýys berýge kelgen. Bul – turǵyndardyń qalǵan bóligi ózderiniń turmys jaǵdaıynyń tómendigin eldiń saıasatymen baılanystyratynyn aıqyndaǵandaı.
Jalpy, sarapshylardyń kóbi bul saılaýda tartys bolmady dep syn aıtqanyn estip júrmiz. Dese de álemdegi geosaıası jaǵdaıǵa qarap bulaı oryn alýy da zańdylyq shyǵar degen oı keledi.
Assol MIRMANOVA,
Eýropalyq jáne halyqaralyq saıası keńesshiler qaýymdastyǵynyń múshesi
