Qazirgi Memleket basshysy harızma men popýlızmniń ornyna baǵdarlamalyq platformalarmen kúresýdi usynyp, qarsylastaryn taktıkalyq turǵydan jeńdi. Toqaevtyń sýreti bar birde-bir bılbord nemese paraqshany kórmedik. Naqty urandar men tezıster – «ádilet», «birlik», «kúshti Qazaqstan» degenge basa nazar aýdarylyp, kandıdattyń úgit materıaldaryndaǵy QR-kod saılaýaldy baǵdarlamasy ornalastyrylǵan ınternet paraqshaǵa qosyldy. Q.Toqaev ózin-ózi kórsetpeı-aq, tıisinshe maýsym aıynda ótken jalpyhalyqtyq referendýmda reformalar úshin daýys bergen óz jaqtastarynyń senimine kirdi.
Konstıtýsııaǵa túzetýler engizý boıynsha jazǵy plebıssıtten keıin bul saılaýlardy, shyn máninde, negizgi saılaý prosesiniń birigýi – konsensýs daýys berýi retinde sıpattaýǵa bolady. 2029 jylǵy saılaý Konstıtýsııa boıynsha Q.Toqaevsyz ótedi.
Bul saılaý saıası salany is júzinde qaıta daıarlaýǵa negiz boldy. Ashyq ári ádil básekelestik úshin jańa erejeler jasalyp jatyr. Q.Toqaevtyń úshinshi merzimge qaıta saılanýynyń múmkin emestigin eskere otyryp, onymen qarsylasý prezıdenttikke bolashaq kandıdattar úshin turaqty saıası kapıtalǵa aınalý múmkindigin joǵaltady. Qalasaq ta, qalamasaq ta, jańa kandıdattardy saılaý aldyndaǵy naýqandy neǵurlym konstrýktıvti jáne jańasha ıdeıalarmen júrgizilýi kerek. Osylaı bolsa ǵana oryndyq kásibı oıynshylarmen tolyǵady, oǵan halyq ta asa qyzyǵýshylyq tanytyp, saıası naýqanǵa belsene aralasady.
Jaqsylyq SÁBITOV,
saıasattanýshy, PhD doktory
