Birinshiden, saılaý bılik organdaryn demokratııalyq qalyptastyrý tásili retinde saıası rejimdi legımıtızasııalaý men senim arttyrýdyń quraly ǵana emes, sol sııaqty azamattardy saıası belsendirýdiń, olardyń óz suranystaryn, qyzyǵýshylyqtaryn oı-eleginen ótkizýdiń, qoǵamdyq nyǵaıýdyń, bıliktiń azamattarmen keri baılanysyn qamtamasyz etýdiń, saıası mádenıetti qalyptastyrý jáne damytýdyń, saıası ómirge qatysý úshin daǵdylarǵa ıe bolýdyń negizgi quraly.
Ekinshiden, saılaý – jańa maqsattar men baǵdarlamalardyń, azamattardy tolǵandyratyn suraqtar men máselelerdi, jalpy áleýmettik-ekonomıkalyq, saıası kýrsty sheshýdiń tásili. Sondyqtan da saılaý halyqty nyǵaıtýǵa baǵyttalǵan. Jalpy álemdik trendti nazarǵa ala otyryp, azamattar ári qaraıǵy joldy jáne josparlardy naqty túsinýi qajet.
Saılaýdy ótkizý únemi úlken uıymdastyrýshylyq jumysty talap etedi. Bul prosedýra kelesi satylardan turatyn saılaý úderisi dep atalady: saılaýdy belgileý; saılaý okrýgterin qurý; saılaý komıssııasyn qalyptastyrý; úmitkerlerdi usyný; saılaýshylar tizimin qurý; saılaý aldyndaǵy úgit-nasıhat; saılaýdy ótkizý; saılaý qorytyndysyn jasaý; saılaý nátıjesin halyqqa jarııalaý.
Osy kezeńderdiń barlyǵynda saılaý komıssııasy júıesiniń, atap aıtqanda, Ortalyq saılaý komıssııasynyń, aýmaqtyq saılaý komıssııalarynyń, ýchaskelik saılaý komıssııalarynyń biryńǵaı jónge keltirilgen jumysy qajet. Jalpy, saılaý qoǵamdyq ómirge belgili bir merzimdilikti, ótken joldyń qorytyndysyn jasap, bolashaqty baıyptaýǵa múmkindik beredi.
Alýa JOLDYBALINA,
Prezıdent janyndaǵy QSZI dırektorynyń orynbasary
