Úıirmeniń ashylýyna «Teń múmkindikter álemi» qoǵamdyq qory muryndyq bolyp otyr. Qor dırektory Nurgúl Úljekovanyń aıtýynsha, bul oıyn ózdiginen júrip-turýy qıyn múmkindigi shekteýli balalardyń ómirge degen qulshynysyn oıatyp, ońalyp ketýine septigin tıgizedi.
– Elimizde erekshe balalarǵa arnalǵan adaptıvtik sport seksııalarynyń jumysy jaqsy jandanyp keledi. Kemtarlyǵy bar balalar men jastardy belsendi ómirge beıimdeıtin «Salamatty bolashaq» áleýmettik jobasy Qostanaı oblysynda da júzege asyryla bastady. Basty maqsat – balany sportqa qyzyqtyrý arqyly ortaǵa beıimdeý, belsendi qımyl-qozǵalysyn qalyptastyrý. Bochchamen aınalysqan balanyń bulshyq etteri jaqsy damıdy. Kelesi jyly aqpan aıynda osy sport túrinen oblystyq jarys uıymdastyrýdy josparlap otyrmyz, – deıdi N.Úljekova.
Bochcha úıirmesine erekshe qajettilikteri bar 30-dan astam bala tegin qatysatyn bolady. Jańa úıirmeden ata-analar da úmit kútedi.
– Úıirmeniń ashylatynyn estigende qatty qýandym. Qansha degenmen bul jerde balamnyń damýyna qajetti jaǵdaı bar ǵoı, – deıdi Iýrıı esimdi erekshe balanyń anasy Marına Hımıchýk.
Qostanaıda tirek-qımyl apparaty zaqymdanǵan 250-den astam bala bar.
Qostanaı oblysy
