Ekologııa, geologııa jáne tabıǵı resýrstar mınıstri Serikqalı Brekeshevtiń baıandaýynsha, osy jyly barlyq tartylǵan sýdyń shamamen 11,6 km3 turaqty sýarýǵa jiberildi, onyń 97%-y ońtústiktegi bes oblysqa – Almaty, Jambyl, Túrkistan, Qyzylorda jáne Jetisý oblystaryna tıesili, jalpy sýarý aýdany 1,61 mln ga (el boıynsha 73%) boldy.
Atalǵan kezeńde transshekaralyq ózender basseınderindegi 5 322 sý shyǵarý qurylystaryna jóndeý júrgizildi, 1 512 km magıstraldyq jáne sharýashylyqaralyq kanaldardy rekonstrýksııalaý jáne mehanıkalyq tazartý júzege asyryldy, sýarý úshin kollektorlyq-drenajdy sýlardy qaıta paıdalaný úshin 67 sorǵy qondyrǵysy satyp alyndy, 107 myń ga aýdanda sý únemdeý tehnologııalary qoldanyldy.
2023 jylǵy vegetasııalyq kezeńge daıyndyq úshin arnaıy jospar bekitildi. Onyń aıasynda aldyn ala jumystar bastaldy.
Sonymen qatar aýyl sharýashylyǵy mınıstri Erbol Qarashókeev, Qyzylorda oblysynyń ákimi Nurlybek Nálibaev, Jambyl oblysynyń ákimi Nurjan Nurjigitov jáne Túrkistan oblysynyń ákimi Darhan Satybaldy baıandama jasady.
Premer-Mınıstr elimizdiń azyq-túlik qaýipsizdigi aýyl sharýashylyǵyna qajetti sýdyń jetkilikti bolýyna tikeleı baılanysty ekenin aıtyp ótti. Sebebi búginde tutynatyn sýdyń jartysynan kóbi agrarlyq sektorǵa tıesili.
Oǵan qosa, AО́K-ti sýmen qamtamasyz etý sý jetispeýshiligine baılanysty jyl ótken saıyn qıyndaı túsýde. Álıhan Smaıylovtyń aıtýynsha, buǵan birneshe faktor áser etip otyr. Atap aıtsaq, kórshi elderdiń aýmaǵynan keletin sýǵa táýeldimiz, bizdiń óńirde sýdyń az jınalýy, kanaldardaǵy sýdyń shyǵyny joǵary, sondaı-aq sýdy únemdeý tehnologııalary jetkiliksiz bolyp otyr.
«Osyǵan qaramastan qabyldanǵan sharalardyń nátıjesinde bıylǵy vegetasııalyq kezeń qalypty jaǵdaıda ótti. Kórshi memleketterdiń sý qoımalarynan qosymsha sý jiberildi. Sýmen qamtamasyz etý obektilerinde qajetti tehnıkalyq jumystar júrgizildi. Bul jumysty ári qaraı jalǵastyryp, kelesi vegetasııalyq kezeńge arnalǵan josparlardy bekitýdiń mańyzy zor», dedi Álıhan Smaıylov.
Premer-Mınıstr transshekaralyq sýlar boıynsha úkimetaralyq kelisimderdi jetildirý jumystaryn turaqty túrde júrgizý, kanaldar men sý qoımalaryn jóndeý jáne qalpyna keltirý jumystaryn kúsheıtý, sýarmaly jerlerde sý únemdeý tehnologııalaryn jáne jalpy sýdy sıfrlyq esepke alýdy engizýdi yntalandyrý kerek ekenin aıtty.
«Atap aıtqanda, sýdy kóp qajet etetin daqyldardy ósirý úshin jańbyrlatyp jáne tamshylatyp sýarý jabdyqtaryn qoldaný tájirıbesin keńeıtý qajet. Sondaı-aq kollektorlyq-drenajdyq júıeler arqyly sýdy qaıta paıdalaný tehnologııalaryn kóbirek qoldaný kerek», dedi ol.
Sóz sońynda Úkimet basshysy jalpy óńirlerdi qajetti sýdyń kólemimen qamtamasyz etý úshin sýmen jabdyqtaýshy uıymdardyń jumysyn úılestirý qajet ekenin atap ótti.
