О́ńir basshysy jańa orynbasarynyń ekonomıka, qarjy salasynda mol qyzmettik tájirıbesi bar ekenin aıtyp, onyń oblystyń áleýmetttik-ekonomıkalyq damýyna laıyqty úles qosatynyna senim bildirip, jańa jumysyna sáttilik tiledi.
G.Súıintaeva buǵan deıin Aqtóbe oblysynyń ekonomıka jáne bıýdjettik josparlaý basqarmasynyń basshysy qyzmetin atqarǵan bolatyn.
Gúlqasıma Ramazanqyzy Súıintaeva 1964 jyly Aqtóbe oblysynda dúnıege kelgen. Bilimi joǵary: 1988 jyly Almaty halyq sharýashylyǵy ınstıtýtyn «Ekonomıst», 2015 jyly Almaty menedjment ýnıversıtetin «Iskerlik ákimshilik magıstri» mamandyqtary boıynsha bitirgen.
Eńbek jolyn 1983 jyly Aqtóbe qalalyq densaýlyq saqtaý bóliminiń №1 ortalyqtandyrylǵan esep bóliminiń esepshisi bolyp bastaǵan.
1992-2001 jyldary Aqtóbe qalalyq qarjy bóliminiń bas mamany, Aqtóbe qalalyq densaýlyq saqtaý bóliminiń, Aqtóbe oblystyq mindetti saqtandyrý qorynyń, Aqtóbe oblystyq densaýlyq saqtaý basqarmasynyń bas esepshisi, Aqtóbe oblysynyń medısınalyq kómek kórsetý ortalyǵynyń dırektory bolyp istegen.
2001-2005 jyldary Qazaqstan Respýblıkasynyń Densaýlyq saqtaý isteri jónindegi agenttiginiń bas esepshisi - esep-qısap bóliminiń bastyǵy, býhgalterlik esep, memlekettik satyp alý jáne ınvestısııalyq baǵdarlamalardy taldaý basqarmasynyń bastyǵy - bas esepshisi, Qazaqstan Respýblıkasynyń Densaýlyq saqtaý mınıstrliginiń ekonomıka jáne qarjy departamentiniń esep-qısap jáne qarjylandyrý basqarmasynyń bastyǵy qyzmetterin atqarǵan.
2005-2007 jyldary Aqtóbe oblysynyń qarjylyq baqylaý jáne memlekettik satyp alý basqarmasy basshysynyń orynbasary bolyp qyzmet etken.
2007-2017 jyldary Ulttyq ǵylymı medısınalyq ortalyǵynyń qarjy – ekonomıkalyq taldaý jáne býhgalterlik esep bóliminiń bastyǵy - bas esepshisi, uıymdastyrý-ekonomıkalyq jumystar boıynsha dırektordyń orynbasary, Qazaqstan Respýblıkasynyń Densaýlyq saqtaý mınıstrliginiń ekonomıka jáne qarjy departamentiniń dırektory, Qazaqstan Respýblıkasynyń densaýlyq saqtaý jáne áleýmettik damý mınıstrliginiń Dárilik zattardy, medısınalyq maqsattaǵy buıymdardy jáne medısına tehnıkasyn saraptaý ulttyq ortalyǵynyń uıymdastyrý – ekonomıkalyq máseleleri boıynsha bas dırektorynyń orynbasary, «SK-Farmasııa» JShS qarjylyq taldaý bóliminiń bastyǵy, ekonomıka jáne qarjy departamentiniń dırektory qyzmetterin atqarǵan.
2017-2018 jyldary Respýblıkalyq bıýdjettiń atqarylýyn baqylaý jónindegi esep komıtetiniń uıymdastyrý - baqylaý jáne kadr jumystary bóliminiń meńgerýshisi, Aqtóbe oblysynyń qarjy basqarmasynyń basshysy bolyp qyzmet etken.
2018 jyldyń tamyz aıynan bastap osy ýaqytqa deıin Aqtóbe oblysynyń ekonomıka jáne bıýdjettik josparlaý basqarmasynyń basshysy bolyp qyzmet atqardy.
