Q.Toqaevtyń eń kóp daýys jınaıtyny, qalǵan kandıdattardyń básekege túse almaıtyny áý bastan-aq belgili boldy. Degenmen «bárine qarsy» baǵanyn eskersek, Memleket basshysy usynǵan «Ádiletti Qazaqstan» baǵdarlamasyn elimizdiń qansha azamaty qol-
daıtyny aıqyndalýǵa tıis edi.
Saılaýshylardyń joǵary deńgeıde qatysýy jáne Q.Toqaevqa berilgen daýys áleýmettik-quqyqtyq ádilettilik ıdeologııasy qazaqstandyqtardyń basym bóligin qamtyǵanyn ańǵartady.
Bul aýqymdy jospardy júzege asyrýǵa, sol arqyly tarıhı mindetti sheshýge Memleket basshysynda jeti jyl ýaqyt bar. Qazaqstanda 2029 jyly jańa prezıdent saılanýy Toqaevtyń avtokratııa qurýyna tosqaýyl bolady.
Q.Toqaev shekteýli merzim ishinde syrtqy jáne ishki saıasattaǵy kóptegen máseleni sheshýge tıis. Dıplomatııalyq alańda Qytaı men Túrkııadan memleketimizdiń qaýipsizdigine kepildik alyp, joǵary nátıjelerge qol jetkizdi. Biraq prezıdenttiń bolashaq murasyn baǵalaýdyń kilti, árıne, ishki áleýmettik-ekonomıkalyq saıasattyń tıimdiligi bolmaq.
Belgilengen merzimge baılanysty jáne kez kelgen adamnyń yqtımal revanshıstik nıetin eskere otyryp, ádildik ıdeologııasyn júzege asyrýǵa tek saıası erik jetkiliksiz. Alǵashqy eleýli nátıjeler kelesi jyly-aq kórsetilýi kerek. Sonda halyqtyń Memleket basshysyna artqan senimi arta túsedi.
Zaǵıra BAISMAQOVA,
Eýrazııalyq ıntegrasııa ınstıtýtynyń sarapshysy
