О́zbek mádenıeti kúnderi bastaldy

О́zbek mádenıeti kúnderiniń delegasııasyn Mádenıet mı­nıstriniń birinshi orynbasary Bahadyr Ahmedov bastap kel­di. Onda О́zbekstannan 100-ge tarta adamnan turatyn Máde­nıet mınıstrliginiń, О́ner aka­demııasynyń jáne Qolónershiler odaǵynyń shyǵarmashylyq ujymdary bar. Atap aıtsaq, delegasııa quramynda О́zbekstan batyry hám halyq ártisi Mý­nojat Iýlchıev, О́zbekstannyń halyq ártisteri Jeńisbek Pııazov, Mansur Tashmatov, Mahmud Na­mazov, sondaı-aq Memlekettik fılarmonııa, Iýnýs Radjabı atyndaǵy «Makom» ansambli, «Naýryz» bı ansambli jáne basqa da tanymal mýzykalyq oryndaýshylar bar.

О́zbek mádenıetiniń alǵashqy kú­ninde Astana qalasynyń OKJ-ge qarasty Kózi kórmeıtin jáne nashar kóretin azamattarǵa arnalǵan arnaıy kitaphanasynda eki eldiń arnaıy kitaphanalarynyń birlesip jasaǵan tuńǵysh jobasy Shokır Holıkovtiń «Shaı» qysqametrajdy fılminiń kórsetilimi ótti. Aıta ke­teıik, bul – Kann kınofestıvalinde múm­kin­digi shekteýli jandar týraly qysqametrajdy fılmder arasynan bas júldeni ıelengen dybyssyz týyn­dy. Astana qalasynyń arnaıy kitaphanasynyń atsalysýymen fılm zaǵıp jandarǵa arnalyp dybystaldy.

Jıynǵa О́zbekstan Respýblıkasy Mádenıet mınıstrligi janyndaǵy Res­pýb­lıkalyq Ortalyq zaǵıptar kitapha­nasynyń dırektory Farhod Djýraev, Andıjan oblystyq zaǵıp­tar kitaphanasynyń dırektory Ýrman Nýrmatov, Navoı oblystyq zaǵıp­tar kitaphanasynyń dırektory Bah­tııor Abdýllaev, Qaraqalpaqstan Respýb­lıkasy Respýblıkalyq zaǵıptar kitaphanasynyń dırektory Alıma Ahetova, Qazaqstan Respýblıkasy Má­denıet jáne sport mınıstrligi Mádenıet komıteti Mýzeıler men kitapha­nalar basqarmasynyń basshysy Gúlzeınep Pazylova, Astana qalasy Mádenıet basqarmasynyń bas­shysy Sanat Shapashov, Prezıdent janyn­daǵy Ulttyq quryltaı múshesi, Astana qalasy ózbek etnomádenı ortalyǵynyń tóraǵasy Sherzod Pýlatov qatysty.

Uıymdastyrýshylar atalǵan is-shara eki el yntymaqtastyǵy men birles­tigin nyǵaıta túsý jumystaryn molaı­typ, eki el kitaphanalarynyń oqyr­mandar úshin birlese jumys atqarýy­nyń bastamasy bolý, sondaı-aq erek­she jandar týraly fılmdi kóp­shilik qaýymǵa, Qazaqstan jurtshy­lyǵyna keńinen nasıhattaý, jastar­dyń úlkenge degen, qoǵamdaǵy adamdar­dyń bir-birine degen qamqorlyǵy men meıirimin arttyra túsýge shamaly bolsa da túrtki bolýdy maqsat etip otyr dedi.

Kórsetilim barysynda elordadaǵy О́zbek mádenı ortalyǵynyń ónerpaz­dary hám arnaıy mádenı kitaphana­nyń zaǵıp oqyrman­dary óner kórsetip, ­eki taraptan kórme usynyldy. Sony­­men qatar «Kórý qabileti nashar adam­­dar úshin qoljetimdi orta qurý» taqy­­rybynda dóńgelek ústel uıym­dasty­ryl­dy. Odan bólek Qazaq ulttyq óner ýnı­versıtetinde О́zbekstan Res­pýb­lıkasynyń halyq jáne eńbek sińir­gen ártisteriniń qaty­sýymen sheberlik synyptary ótti.

О́zbek mádenıetiniń Qazaqstandaǵy ekinshi kúninde Qalıbek Qýanyshbaev atyndaǵy Memlekettik akademııalyq qazaq mýzykalyq drama teatry sahnasynda shyǵarmashylyq ujymdar­dyń, О́zbekstannyń mádenıet jáne óner ókilderiniń qatysýymen mere­kelik Gala-konsert ótedi. Oǵan qosa teatr foıesinde О́zbekstannyń ult­tyq qolóner jáne beı­neleý óneri úlgi­leriniń kompozı­sııalyq kórmesi qoıylady. Aıta keteıik, bul is-shara­nyń ekijaqty mańyzy úlken. О́ıtkeni 23 qarashada Qazaqstan Res­pýb­lıka­sy men О́zbek­stan Res­pýblıkasy ara­syn­daǵy dıplomatııalyq qaty­nas­tardyń ornaǵanyna 30 jyl tolady.