Qazir alma baǵy ıesiz qalǵan. Jaqynda shaǵyn saıabaq ashylyp, alma aǵashy egildi. Saıabaqqa alma beınelengen músin ornatyldy. Músinniń bıiktigi – 3 metr. Ony osy aýylda turatyn aǵash sheberi Orynǵalı Sarıev jasaǵan. Oǵan aýyldaǵy orta mektepti 1975, 1985 jyldary bitirgen túlekter qoldaý bildirgen.
– Sarytoǵaı aýylyndaǵy baqta almanyń eń dámdisi ósirildi. Sol kezde aýyldyń úlkeni de, kishisi de alma baqta jumys istedi. Alma aǵashtaryna quıatyn sýdy Jaıyq ózeninen shelekpen tasydyq. Balalardy jastaıynan eńbekke baýlydyq. Aýylymyzda ósirilgen alma odaqqa tanylǵan edi. Búginde sol alma baqtyń orny men eskirmeıtin estelikteri ǵana qaldy. Baqtyń jumysy qaıta jandandyrylsa, aýdan ekonomıkasyna paıdasy tıer edi. Almanyń músini – ótken tarıhtyń belgisi, – deıdi ardagerler keńesiniń tóraǵasy Ýálı Raqymjanov.
Atyraý oblysy
