Elimizdegi aýyl sharýashylyǵy sektoryn damytý jaǵdaıynda atalǵan saladaǵy TjKBB uıymdarynyń neǵurlym talantty pedagogterin anyqtaý jáne qoldaý maqsatyn kózdeıtin konkýrstyń barysynda qatysýshylar alty modýldi qamtıtyn teorııalyq jáne praktıkalyq tapsyrmalardy oryndady. Baıqaýǵa qatysýshylardyń kásibı sheberligin baǵalaý elektrondyq túrde júrgizildi. Al baıqaýdyń birinshi teorııalyq kezeńi tájirıbelik jumysty oryndaý kezindegi is-qımyldardyń birizdiligin qurastyrý modýlderi boıynsha ótkizildi.
Eki kúnge sozylǵan aýyl sharýashylyǵy salasyndaǵy TjKBB pedagogteri arasyndaǵy respýblıkalyq kásibı sheberlik konkýrsynyń qorytyndysynda agronomııa salasy boıynsha bas júldeni Túrkistan oblysyndaǵy Túrkistan joǵary kópsalaly agrarlyq kolledjiniń oqytýshysy Beıbit Mámbet; I oryndy Túrkistan oblysyndaǵy Qaplanbek joǵary agrarlyq-tehnıkalyq kolledjiniń oqytýshysy Azamat Qaldasov; II oryndy Jambyl oblysyndaǵy Qulan agrotehnıkalyq joǵary kolledjiniń oqytýshysy Marat Iаtaev; III oryndy Pavlodar oblysyndaǵy Ertis joǵary ınnovasııalyq agrarlyq kolledjiniń oqytýshysy Nurjan Abdınov ıelendi.
Veterınarııa salasy boıynsha bas júldege Qaplanbek joǵary agrarlyq-tehnıkalyq kolledjiniń oqytýshysy Gúljan Nazıeva; I orynǵa Qulan agrotehnıkalyq joǵary kolledjiniń oqytýshysy Janar Baısaqalova; II orynǵa Almaty qalasyndaǵy Eýrazııa agrarlyq kolledjiniń oqytýshysy Aıdar Muhametqalıev; III orynǵa Jambyl oblysyndaǵy Qordaı aýyl sharýashylyǵy kolledjiniń oqytýshysy Talǵat Nýrıev laıyqty dep tabyldy.
Qatysýshylar Qulan agrotehnıkalyq joǵary kolledji ujymynyń respýblıkalyq konkýrsty uıymdastyrý deńgeıine rızashylyqtaryn bildirdi.
M.BAǴYLBEKOVA,
Qulan agrotehnıkalyq joǵary kolledji dırektorynyń orynbasary
Jambyl oblysy
