Daýys berý aıaqtalǵannan keıin jarııalanǵan ekzıt-poll Qazaqstan kóshbasshysyna 82,45 paıyz daýys berilgenin habarlady. Onyń bes qarsylasy 2 paıyzdan 3,33 paıyzǵa deıin qoldaýǵa ıe boldy. Daýys berýge qatysý 69,43 paıyzdy qurady.
Prezıdent saıası dodaǵa halyqtyq koalısııanyń úmitkeri retinde tústi. Jańa konstıtýsııa boıynsha Memleket basshysy bir merzimge jeti jylǵa saılanady. Ortalyq saılaý komıssııasy 22 qarashaǵa deıin qorytyndyny bekitti. Bul – osy eldiń sýperprezıdenttik júıeden prezıdenttik-parlamenttik júıege kóshiretin reformalar týraly referendýmnan keıingi ádiletti Qazaqstanǵa qadam basýy.
Birikken Ulttar Uıymy Bas hatshysynyń burynǵy orynbasary, Prezıdent Toqaev óz bıligin bir merzimmen shektedi. Ol jyl basynda «Prezıdent partııalyq saıasattan joǵary turýy kerek» dep bıliktegi «Amanat» partııasynan shyqty. Sondaı-aq saıası partııalardy qurýdy jeńildetetin reformalar engizdi. Kelesi jyly áleýetti Parlament saılanady.
Syrtqy saıasatta Prezıdent táýelsiz baǵytynan jańylǵan joq. Keıingi kezde halyqaralyq shekaralardyń kez kelgen kúshtep ózgerýine qarsylyq bildirýi onyń Reseıge qatysty kózqarasynan habar beredi. О́ıtkeni Qytaımen jáne Eýropalyq odaqpen jaqynyraq qarym-qatynas ornatýǵa umtyldy. Shyǵys pen Batys arasyndaǵy saýda dálizindegi Qazaqstannyń sheshýshi geosaıası ustanymy Qytaı basshysy Sı Szınpınge unaǵany anyq. Sondyqtan koronavırýs pandemııasy bastalǵannan keıingi alǵashqy sheteldik saparyn Qazaqstannan bastady.
Dál sol sekildi eýropalyq kóshbasshylar da Astanaǵa jıi kele bastady. Birneshe kún buryn Eýropalyq odaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrel at basyn tiredi.
«Prezıdent Q.Toqaevpen jáne Premer-Mınıstrdiń orynbasary jáne Syrtqy ister mınıstri M.Tileýberdimen kezdesýde qarym-qatynastarymyzdaǵy oń serpindi qalaı alǵa jyljytý kerektigin talqyladyq», dedi ol. Sondaı-aq Qazaqstan EO úshin mańyzdy áriptes ekenin atap ótti. Munaı (jalpy, ımporttyń shamamen 8 paıyzy), gaz, ýran jáne basqa da mańyzdy shıkizat jetkizetin senimdi seriktes dep málimdedi.
«Saıası turǵydan alǵanda Qazaqstan saıası plıýralızm baǵytynda júrip jatqan túrli reformalardy bastan ótkerdi. Bıylǵy Prezıdent jáne kelesi jylǵy Parlament saılaýy munyń mańyzdy bóligi», degen J.Borrel Qazaqstannyń odan ári ilgerileı beretinine senim bildirdi. Halyqaralyq baıqaýshylar saılaý úderesinde eleýli buzýshylyqtar bolmaǵanyn habarlady. Astana men eń iri qala Almatyda halyqtyń saılaýǵa qatysýy aıtarlyqtaı tómen bolǵanymen, saılaýshylar kóptep jınaldy. Sheteldik ókilder mundaı ózgeristerge erkin jáne ádil saılaýda ǵana qol jetkizýge bolatynyn atap ótti.
«Búgin – óte mańyzdy, tarıhı kún. Elimizdiń jarqyn bolashaǵy úshin daýys berip otyrmyz. Shyn máninde, bıyl ońaı bolǵan joq. Biraq halqymyz jumylyp, qıyndyqtardyń bárin eńserdi. Endi aldymyzda turǵan óte aýqymdy mindet, maqsat bar. Atqaratyn jumys áli de kóp. Saıası reformalar júzege asyrylyp jatyr. Jazda jalpyulttyq referendým ótti. Endi, mine kezekten tys prezıdent saılaýy ótkizilip jatyr. Keleshekte bul jumystar jalǵasa beredi», dedi Qasym-Jomart Toqaev Astanada daýys bergennen keıin.
