Tártip saqshylary málim etkendeı, Kókshetaý qalasynyń 41 jastaǵy turǵyny qoımada esirtki zattaryn saqtaǵan.
Operasııany júrgizgen polıseılerdiń aıtýynsha, er adam oblys ortalyǵyna kirgen kezde ustaldy. Tintý jumystary barysynda kúdiktiniń qaltasynan salmaǵy 3,56 g bolatyn eki polıetılen paketi jáne esirtkini qoldanýǵa arnalǵan qurylǵy tabyldy.
«Saraptama qorytyndysyna qaraǵanda, ustalǵan adam esirtkige mas kúıinde kólik júrgizgeni anyqtaldy», delingen oblystyq PD baspasóz qyzmeti taratqan habarlamada.
Aıta ketsek, kúdiktiniń kóliginen salmaǵy 845,68 g gashısh salynǵan polıetılen paket tabyldy.
Atalǵan fakti boıynsha QR QK 296-babynyń 4-bóligi boıynsha «Esirtki, psıhotroptyq zattardy, olardyń analogtaryn asa iri mólsherde ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý» boıynsha sotqa deıingi tergeý bastaldy.
