Reseılik sportshy ırlandııalyqtan sýsyn satýmen aınalysatyn bıznes qurýǵa kómekteskeni úshin aqsha talap etip otyr.
Lobov Makgregordan aksııanyń baqylaý paketin satýdan túsetin tabystan 5% úles alǵysy keledi. Ol vıskı brendin jasaý ıdeıasynyń ózine tıesili ekenin alǵa tartqan.
Aıta keteıik, Makgregor - Proper Twelve brendiniń negizin qalaýshy. Sýsynnyń satylymy 2018 jyldyń kúzinde bastalǵan. 2021 jyldyń sáýirinde ol kompanııanyń baqylaý paketin satqany úshin 600 mıllıon dollar alǵan.
Al Artem Lobov Reseıdegi Nıjnıı Novgorodta dúnıege kelgen, biraq Irlandııada turady jáne sonda jattyǵady. Ol Makgregordyń burynnan kele jatqan dosy. 2015 jyldan 2019 jylǵa deıin Lobov Ultimate Fighting Championship (UFC) týrnırinde óner kórsetken. MMA erejesi boıynsha ótken jekpe-jekte 13 jeńis, 15 jeńilis jáne bir teń nátıjege qol jetkizgen. Taǵy bir jekpe-jegi jaramsyz dep tanylǵan.
