Qaraǵandy polısııasyna 27 jastaǵy Úndistan azamaty aryzben shaǵymdanǵan. Onyń aıtýynsha, ony belgisiz bireýler kúshtep avtokólikke otyrǵyzyp, Astana qalasyna alyp ketken. Elordada shetel azamatyn páterge aparyp, qorqytyp, kúsh qoldaný arqyly bosatý úshin 200 myń AQSh dollaryn talap etken.
– Qaraǵandy oblystyq Polısııa departamenti Uıymdasqan qylmysqa qarsy kúres basqarmasynyń qyzmetkerlerimen júrgizilgen arnaıy jedel-izdestirý is-sharalary barysynda Astana qalasyndaǵy jaldamaly páterlerdiń biri anyqtalyp, ol jerden bopsalaý, adamdy urlap áketý kúdigimen jastary 26 men 34 jas aralyqtaryndaǵy tórt О́zbekstan azamaty ustaldy. Qazirgi ýaqytta adam urlaý, zańsyz bas bostandyǵynan aıyrý jáne bopsalaý baptarymen sotqa deıingi tergeý amaldary júrgizilýde, – dep habarlady Qaraǵandy oblystyq Polısııa departamenti bastyǵynyń orynbasary Ábil Ábildın.
